Mahadhanandhamaina needhu sannidhi | మహదానందమైన నీదు సన్నిధి

మహదానందమైన నీదు సన్నిధి - Mahadhanandhamaina needhu - Album Srikarudaa naa yesayya 2022 

మహదానందమైన నీదు సన్నిధి

ఆపత్కాలమందు దాగుచోటది

మనవులు అన్నియు ఆలకించిన  

వినయముగలవారికి ఘనతనిచ్చిన  

నీ సింహాసనమును స్థాపించుటకు  

నీవు కోరుకున్న సన్నిధానము  

ఎంత మధురము నీ ప్రేమ మందిరం  

పరవశమే నాకు యేసయ్య  

1. విసిగిన హృదయం కలవరమొంది  

వినయము కలిగి నిన్ను చేరగ  

పరమందుండి నీవు కరుణచూపగా  

లేత చిగురుపైన మంచు కురియు రీతిగా  

ప్రేమను చూపి బాహువు చాపి  

నీలో నన్ను లీనము చేసిన  

ప్రేమసాగరా జీవితాంతము  

నీ సన్నిధిని కాచుకొందును

2. లెక్కించలేని స్తుతులతో నీవు  

శాశ్వతకాలము స్తుతినొందెదవు  

మహిమతో నీవు సంచరించగా  

ఏడు దీపస్థంబములకు వెలుగు కలుగగా  

ఉన్నతమైన ప్రత్యక్షతను  

నే చూచుటకు కృపనిచ్చితివి  

కృపాసాగరా వధువు సంఘమై  

నీకోసమే వేచియుందును

3. సీయోను శిఖరమే నీ సింహాసనం  

శుద్ధులు నివసించు మహిమ నగరం  

ఎవరు పాడలేని క్రొత్త కీర్తన  

మధురముగా నీయెదుట నేను పాడెద  

సౌందర్యముగా అలంకరించిన  

నగరములోనే నివసించెదను  

ప్రేమపూర్ణుడా మహిమాన్వితుడా  

నీతోనే రాజ్యమేలెదా