435
మన బంధువులు
రా - నవరోజు, తా - ఆది
యెహోవా మాతండ్రి గాడ - యేసుడు మాయన్న గాడ = మహిమగల శుద్ధాత్మయిట్టి - వరుసదెలిపె గదమాతోడ ||యెహోవా॥
1.మోక్ష నగరు మా పుట్టిల్లు - ముఖ్య దూతల్ మా స్నేహితులు = సాక్షాత్కారమై యున్నపుడు - లక్ష్య పెట్ట మిహ బాధలను ||యెహోవా||
2.అబ్రాహాము దావీదు మొదలై - నట్టి వర భక్తా గ్రేసరులే = శుభ్రముగ మా చుట్టాలైనన్ - హర్ష మిక మాకేమి కొదువ ||యెహోవా||
3.పేతు రాది సకలాపోస్తుల్ - పేర్మిగల మా నిజ కూటస్థుల్ = ఖ్యాతి సభలో మేమున్నప్పుడు - ఘనతలిక మా కేమి వెలితి ||యెహోవా||
4.తనువు బలి పెట్టెను మాయన్న - తప్పు ల్విడ గొట్టెను మా తండ్రి = మనసులో సాక్ష్యమిట్లున్న - మనుజు లెట్లన్నను మాకేమి ||యెహోవా||
5.పరమ విభు జీవ గ్రంథములో - బ్రభుని రక్తాక్షర ముద్రితమై = చిరముగా నుండు మా పేరు - చెఱుపు బెట్టెడువా రింకెవరు||యెహోవా||
6.కరములతో నంట రాని - కన్నులకు గోచరము గాని = పరమ ఫలముల్ మా కున్నపుడు - సరకు గొన మిక్కడి లేములకు ||యెహోవా||
- పురుషోత్తము చౌదరి
DOWNLOAD MP3 SONG HERE 👇
