వీరుల మయ్యా జయ వీరుల మయ్యా Veerulamayya jaya veerulamayya

359

క్రైస్తవ వీరులు

రా - శంకరాభరణం,  తా - ఆది 

వీరుల మయ్యా - జయ - వీరుల మయ్యా - మా = వైరిఁ జంప యుద్ధమాడు - శూరుల మయ్యా ||వీరుల||

1.మాంస లోక పి-శాచి - హింసపరచిన - మము = ధ్వంసముఁజేయ పై బడిన - ధ్వజము విడమాయా ||వీరుల||

2.పరమ గురు వగు - యేసు - ప్రభువు నాజ్ఞను - బహు = త్వరగఁ బ్రజకుఁ బయలుపర్చు - భటుల మే మయా ||వీరుల||

3.అతి దుష్ట ద్రోహులు - మము - వెతలఁ బెట్టిన - నీ =క్షితి సువార్త కొఱ కొకింత - సిగ్గు పడ మయా ||వీరుల||

4.భూలోక నాధులు - చాల - పోరు సల్పిన - మా = వేలుపునకుఁ బ్రాణ - మైనఁ బెట్టువారము ||వీరుల||

- ఏ. జెఖర్యా 

యేసు వస్త్రపు చెంగును Yesu vasthrapu chengunu

157 

వ్యాధి బాధితురాలిని స్వస్థపరచుట 

(చాయ: దేవుని ప్రేమ ఇదిగో)

రా - ఆనంద భైరవి , తా- కురుఝుంపే 

యేసు వస్త్రపు చెంగును - మాత్రమే - యాసించి ముట్టినట్టి = దోసకారుల రోగముల్ -వెంటనే - తొలఁగి పోయెను నిజముగ ||యేసు||

1.గుంపుకూడిన జనులతోఁ - బ్రభు యేసు - సొంపుతోఁ బోవునపుడు = తెంపుతో రమణి యొకతె - ప్రభు చెంగు - తెలియకుండను ముట్టెను ||యేసు||

2.అంతటను రక్తధార - యామె కొ - కింతైన లేకపోయె = ఇంతలోఁ ప్రభువు యెఱిఁగి - తనయొక్క - వింతఁ జూపెను జనులకు ||యేసు||

3.ప్రజలార మీలో నొకరిన్ - నాదు ప్ర - భావంబు స్వస్థపరచె = నిజమంచుఁ ప్రభువు చెప్పె - వణుఁకుతో - గజయాన వచ్చి నిల్చె ||యేసు||

4.ఒదుగుచుండిన వనితతో - శ్రీయేసు - అదురు మానుమి యింకను = ఇదిగో నీ విశ్వాసము - రక్షించె - ముదిత నెమ్మదిని వెళ్లు ||యేసు||

5.ఏపుమీరగ యేసును - మీ యొక్క - ప్రాపుగా నమ్ముకొనుఁడి = ఆపదలు దొలఁగించును - నిజముగఁ - పాపముక్తులఁ జేయును ||యేసు||

- తూలిపి బెంజిమిన్ 

ప్రేమామృత్తధారలు చిందించిన Premamrutha daaralu chindinchina

677

రెండవ అనుబంధము

1.ప్రేమామృత్తధారలు చిందించిన యేసుకు సమమెవరు? 

ఆ - ఆ - ఆ ప్రేమయెతానై నిలచి - ప్రేమవాక్కులనే బలికి

ప్రేమతో ప్రాణము బెట్టి - ప్రేమనగరికి చనియె ||ప్రేమా||

2.నిశ్చలమైన ప్రేమజీవికి - యిలలో తావేది 

ప్రేమ ద్రోహులేగాని - ప్రియమున చేరరు వాని 

చేరిన చెలికాడగురా - సమయమిదే పరుగిడరా ||ప్రేమా||

3.ఎంత ఘోరపాపాత్ములనైన - ప్రేమించునురారా

పాపభారముతో - రారా - పాదములపై బడరా 

పాపుల రక్షకుడేసు - తప్పక నిను రక్షించున్ ||ప్రేమా||

4.ఇంత గొప్ప రక్షణను - నిర్లక్ష్యము చేసెదవేల? 

రక్షణ దిన మిదియేరా - తక్షణమే కనుగొనరా 

ఇదియే దేవుని వరము - ముదమారగ జేకొనుము ||ప్రేమా||

ప్రార్దించు సంఘమా ప్రార్ధనయే Prardhinchu sanghama

ప్రార్దించుము సంఘమ - ప్రార్ధనయే భక్తుని ప్రాణమని

1. ప్రభువైన యేసే ప్రార్ధన చేయగ - ప్రార్ధన బలమేమో గమనించవా

ప్రార్ధనలో జీవమున్నదనీ -ప్రభుని భక్తులెందరో గమనించిరి ||ప్రార్దించు||

2. ప్రార్దించుమని ప్రభువు పలికిన ఆజ్ఞను - వ్యర్థ పరచకుండా జరిపింపవా

స్వార్ధ చిత్తము ‘ వీడి సకల లోకమునకై- ప్రార్ధించి ప్రభు మన్ననలు బొందవా ||ప్రార్దించు||

3. సాతాను శక్తులను పడగొట్టి ప్రభుకొరకు-వెతలనొందువారు ప్రార్ధించిరి

గతి తప్పి మతిపోయి బ్రతుకే లేదనువారు-క్షితిపై ప్రార్ధనలోనే మేలొందిరి ||ప్రార్దించు||

యేసుని సుచరిత మెంత Yesuni sucharitha mentha

302 

శుభవార్తమాన ప్రకటన 

(చాయ: యేసుని ప్రేమను నేమారకను)

రా - బ్యాగు, తా - ఆది 

యేసుని సుచరిత - మెంత పొనరినది - యెవ్వరు విని యెద - రీ జగతిన్ భాసుర నయ మను - బంధము గలిగిన - భక్తుల కిది సౌ - భాగ్యముగా ||యేసు||

1.దాసుల మొఱలను - దప్పక వినుచును - ధైర్యము నొసఁగెడి - దాత సుమీ = దోసముల గమిఁ - ద్రోయ బలముగల - దొడ్డ దొరకు నుతి - దూతలచేన్ ||యేసు||

2.పాప నరులఁ గని - పావనం బొనర్చను - భార మనని ఘన - బంధు వుఁడు - ఆ పరమ జనకు - నాజ్ఞఁ బడసి నెరి యాఢ్యుఁడిడుమ - లొందె నుయిలన్ ||యేసు||

3.సిలువపై నిలచి - చేటు వడుచు మరి - చివరకు జనకుని - చిత్తమునన్ = చెలువగ మనవిని - జేసెను నరులకు శిక్ష తొలఁగుటకు - శ్రీకరుఁడౌ ||యేసు||

4.పాప రహిత య - పార మహిమమున - పాత్రమ మరి కుడి - పార్శ్వ మునన్ = పాపులవిషయము - ప్రార్థన మొనర్చెడి - భావము గల హిత - భాస్కరుఁడౌ నా ||యేసు||

5.దుషులు ననుఁ గని - దూషణ నుడువులు - దగ్ధము లనక - దూరిన నా = ఇష్టుఁడు వడసిన యిడుమలు దలఁచి - యించుక పగ మది - నెంచను నా ||యేసు||

రండి యేసుని యొద్దకుఁ ప్రియులారా Randi yesuni yoddhaku priyulaara

298

యేసునొద్ధకు రండి

రా - మాధ్యమావతి, తా - ఆది 

రండి యేసుని యొద్దకుఁ - ప్రియులారా మీరు - రండి యేసుని యొద్దకు = రండి రండి - రయమున బిలుచుచు - నుండెడి రక్షకుఁ - డొసఁగెను బ్రాణము ||రండి||

1.మీరు పాపంబులఁ ద్యజించి - యేసుని కడకు - రారే వేగము విశ్వసించి = మీరు వచ్చినను - మిమ్మును ద్రోయఁడు - చేరెడు వారిని - జేర్చును దన దరి ||రండి||

2.మీకు బ్రతుకేమి శాశ్వతము - ప్రియ జనులారా - పోకుఁడి యాశించి లోకమును = లోకాశలకును - లొంగుట చేతను - మీకు ఘటిల్లును - మెండగు దుఃఖము ||రండి||

3.మీరేల జాలము చేసెదరు - ప్రియులారా వేగ - రారే కడు భాగ్య మొందెదరు = చేర వచ్చి చిర - జీవము నొందుఁ డ - పార ముదంబును - బడయఁగ దేవుఁడు ||రండి||

- పులిపాక జగన్నాథము

యేసునే సేవింపరండి మోసపోకండి Yesune sevimparandi mosapokandi

294 

క్రీస్తుని గొప్పతనము 

రా - హిందుస్థాని తోడి, తా - ఆది 

యేసునే సేవింపరండి - మోసపోకండి - ప్రభు = దోసములను బాపు నండి - దొడ్డ ప్రభువండి ప్రభు ||యేసునే||

1.దేవుఁ డీతఁడే సుమండి - దిగులుపడకండి - మన = చావు నొంది లేచెనండి - జీవ మితఁడండి - ప్రభు ||యేసునే||

2.పాపులను ప్రేమించె నండి - ప్రాణ మిడె నండి - ప్రభు = దాపుఁజేరి వేఁ డ రండి - దయామయుఁడండి - ప్రభు ||యేసునే||

3.నరకబాధ నొందె నండి - నరులకొర కండి - ప్రభు = దురితములను బాపు నండి - దుఃఖపడకండి - ప్రభు ||యేసునే||

- ఎన్.డి. ఏబేల్