209
యేసు క్రీస్తు మరణావస్థ ధ్యానము
(ఛాయ: ఈయన యేసు రక్షకుండు)
రా - ముఖారి, తా - అట
నా కొఱకుఁ చనిపోయి నాఁడ - ఆద - యాకరుండిరు ¹వంక దొంగలతోడ ||నా కొఱకు||
1.ఆలకింపగను మనసార - నాకు - ²నానదే యా దయామృత సారధార - భూలోకమునఁదనివిఁ దీర - నిట్టి - పుణ్యాత్ము నేమఱక - పూజింతు ³మీర ||నా కొఱకు||
2.కన్న తలిదండ్రులకు నైన - యింత ఘన ⁴వత్సలత నేఁ - గల్గుటంగాన - విన్నదియులేదు చెవులూన - స్వామి - విక్రయంబై కొర్త - వేదనలతోను ||నా కొఱకు||
3.కీటకమువంటి ననుఁ బ్రోవ - సొంత - ⁵కీలాలమర్పించి - ⁶ఖేదపడిచావ - ⁷వాటమా తన కిటులఁ గావ - నేను - వర్ణింపఁ గన్నీరు - వరదలైపోవ ||నా కొఱకు||
4.ఘోరముగ నినుపమేకులను - గ్రుచ్చి - ⁸కొంకకానిర్దయుల్ - గొల్గొతా ⁹మనలను - మారణంబగు నవస్థలను - బెట్ట - మాదృశాత్మన్గావ - మౌనమైయిలను ||నా కొఱకు||
5.ఏమి బహుమతుల నర్పింతు - నట్టి - స్వామిమేళ్లల్ల నా - స్వాంతమున నుంతున్ - ప్రేమ భావమున వర్తింతున్ - నిత్య - ¹⁰కామితార్థం బిడు - కర్తను భజింతున్ ||నా కొఱకు||
6.చేయనిఁక పాప ¹¹సంగతము - నాఁడు - సిలువపైఁ జచ్చిన శ్రీకరుని ¹²కతము - పాయ కాబ్రభుసత్యవ్రతము - నాధు - ప్రాణాంత మౌదాఁక ప్రార్థింతు సతము ||నా కొఱకు||
– మిక్కిలి సమూయేలు
__________________________________
