228
క్రీస్తు యొక్క రెండవ రాకడ - అవిశ్వాసుల భయము
(చాయ: హృదయమనెడు)
రా - ముఖారి, తా - ఆది
నాడు వచ్చినట్లు గాదు - నేఁడు వచ్చుట = తేరి - చూడరాదు క్రీస్తు నింకఁ - జొత్తు మెచ్చుట ||నాఁడు||
1.మొదట గొఱ్ఱెపిల్ల రీతి - నొదిగి వచ్చెఁగా = యిపుడు - కొదమ సింహమయ్యె మనకు - గుండె దిగులుగా ||నాఁడు||
2.దాసునివలె దొల్లిఁ - జూచినాముగా = యిపుడు - దోసము లెంచి దండింప - దొరయైనాఁడుగా ||నాఁడు||
3.ఏ తట్టు బోయిన మనకు - నెదురు వచ్చెఁగా = పిడుగు - రీతి వాని యుగ్రమైన - దృష్టి హెచ్చఁగా ||నాఁడు||
4.కొండ వండ లందు డాగి - యుండలేముగా = వాని - యండనుండి మండు నగ్ని - యదిగో వచ్చెఁగా ||నాఁడు||
5.దిక్కుగా నున్నట్లు నితర - దేవతలను నమ్మి వట్టి = పుక్కిటి - పురాణములకుఁ బోయి చెడితిమి ||నాఁడు||
6.వీధుల బోధించు వారి వినక పోతిమి యిపుడు బాధఁ బొంది నరకాగ్నిలోఁ బడఁబాలైతిమి ||నాఁడు||
- పురుషోత్తము చౌదరి
