Bhulokarajyamulanniyu | భూలోక రాజ్యములన్నియు

భూలోక రాజ్యములన్నియు యెహోవా దేవునివే

భూలోక నివాసులందరు ఆయన వారసులే (2)

సమస్త దేశములారా సంతోషగానము చేయుడి -

యెహోవాయే దేవుడని ఉత్సాహగానము చేయండి (2)

మహోన్నతం ప్రభు నామము పరిశుద్ధుడని కొనియాడుడి 

మహోన్నతుని మహత్యము సమాజములో కీర్తించుడి

సియోనులో సింహాసనాసీనుడు - నీతి న్యాయములతో పరిపాలించు వాడు (2)

అన్యజనులకు రక్షణ శృంగముగా (2)

నిబంధన జనులను నిత్యము నడిపించును (2) ||సమస్త||

సైన్యాధిపతిగా విజయము దయచేయును - శత్రువులను సహ మిత్రులను చేయువాడు (2)

భక్తులందరినీ అభయ హస్తముతో (2)

ప్రతి ఉదయమున కృపలతో తృప్తిపరచును(2) ||సమస్త||

ఈ లోక రాజ్యములు క్షయమై పోవునవి - దేవుని రాజ్యము శాశ్వత రాజ్యము (2) 

తరతరములకు యుగయుగముల వరకు (2)

సర్వాధిపతిగా ప్రభువే పాలించును (2) ||సమస్త||

DOWNLOAD MP3 SONG HERE 👇

Bhumiyu Daani Sampurnatha| భూమియు దాని సంపూర్ణత

భూమియు దాని సంపూర్ణత లోకము

దాని నివాసు లెహోవావే (2)

ఆయన సముద్రము మీద దానికి పునాది వేసెను (2)

ప్రవాహజలముల మీద దానిని స్థిరపరచెను (2) ||భూమియు||

యెహోవా పర్వతమునకు నెక్కదగిన వాడెవ్వడు (2)

యెహోవా పరిశుద్ధ స్థలములో నిలువదగిన వాడెవ్వడు (2) ||భూమియు||

వ్యర్థమైన దానియందు మనస్సు పెట్టకయు (2)

నిర్దోషచేతులు శుద్ధ హృదయము కలిగినవాడే (2) ||భూమియు||

నిన్నాశ్రయించి నీ సన్నిధిని వెదకెడి వాడు (2)

వాడాశీర్వాదము నీతి మత్వము నొందును (2) ||భూమియు||

గుమ్మములారా మీ తలలు పైకెత్తుడి పురాతనమైన తలుపులారా (2)

మహిమగల రాజు ప్రవేశించునట్లు మిమ్మును లేవనెత్తికొనుడి (2) ||భూమియు||

మహిమగల యీ రాజెవడు? బలశౌర్యముగల ప్రభువే (2)

యుద్ధశూరుడైన యెహోవా పరాక్రమముగల ప్రభువే (2) ||భూమియు||

మహిమగల యీ రాజెవడు? సైన్యముల యెహోవాయే (2)

ఆయనే యీ మహిమగల రాజు హల్లెలూయా ఆమెన్ (2) ||భూమియు||

Bhajana cheyuchu | భజన చేయుచు

81

యేసు నామ భజన

రా - హిందూస్థాని, ఆది - తోడి

   భజన చేయుచు భక్త పాలక - ప్రస్తుతింతు నీనామమును = వ్రజినముల పై జయము నిచ్చిన - విజయుడా నిను వేడుకొందు ||భజన||

1.దివ్య పదవిని విడిచి నీవు - దీనుడవై పుట్టినావు = భవ్య మైన బోధ లెన్నో - బాగుగా ధర నేర్పినావు ||భజన||

2.నరుల గానను పరమునుండి - ధరకు నీవు వచ్చినావు = పరుడనైన నాకొరకు నీ ప్రాణము నర్పించినావు ||భజన||

3.చెడినవాడ నైన నన్ను - జేర దీసి ప్రోచినావు = పడిన నాదు గోతి నుండి - పైకి లేవనెత్తి నావు ||భజన|| 

4.ఎంతప్రేమ యెంతదయ - యెంతకృప యేసయ్య నీకు = ఇంత యని వర్ణింప నిలలో - నెవనికిని సాధ్యంబు కాదు ||భజన|| 

- దొరిసామి ఆరోగ్యము

DOWNLOAD MP3 SONG HERE 👇