ఉదయగీతి
రా – ఆనందభైరవి, తా – త్రిపుట
(చాయ: ఎందుకు మరచితివి)
స్తోత్రము స్తోత్రము ఓ దేవా - ఈ వేకువనే - స్తోత్రము జేతుము మా దేవా = రాత్రియందున మమ్ము రక్షించి గాపాడి - ధాత్రి మరియొక దినము - దయతో నిచ్చిన దేవా||
1.పాపశోధనలనుండి - ప్రభువా మమ్ము కాపాడి బ్రోవుమయ్య = పాపము మమ్మున్ - ఏల నియ్యకుండ - మాపు రేపులుమమ్ము- మనిపి బ్రోవుమయ్య ||
2.కన్న తండ్రికంటెను - కనికరమున - కాపాడెడి మా దేవా = అన్న దమ్ములవలె మే మందరిని ప్రేమించి - మన్ననతో నీదినము - మన నియ్యుమో దేవా||
3.పితా సుతా శుద్ధాత్మ - లనెడి దేవా - ప్రీతితో గావుమయ్యా = నీతిమార్గములందు నిరతము మముగాచి - ఖ్యాతిగా నీకొరకు బ్రతుకనిమ్మో దేవా||
– బన్యన్ జోసఫ్
