ఆదరించవా నీ జీవవాక్కుతో - సేదదీర్చవా నీ చేతిస్పర్శతో
1. సుడిగుండాలెన్నో లోకసాగరాన - వడిగా నను లాగి పడద్రోసే సమయాన
నడిపించగలిగిన నా చుక్కాని నీవే - విడిపించ గలిగిన నాకున్న దిక్కు నీవే
యేసయ్యా ఓ మెస్సీయా - హల్లెలూయా నీకే స్తోత్రమయా
2. వడగాడ్పులెన్నో నా పయనంలోన - నడవనీక సొమ్మసిల్లజేసే సమయాన
తడబాటును సరిచేసే ప్రేమమూర్తి నీవే - కడవరకు నడిపే ఇమ్మానుయేలు నీవే
యేసయ్యా ఓ మెస్సీయా - హల్లెలూయా నీకే స్తోత్రమయా
3. అలలా శ్రమలెన్నో బ్రతుకు నావ పైన- చెలరేగి విలవిలలాడించే సమయాన
నిలబెట్టి బలపరచే బలవంతుడ నీవే - కలవరమును తొలగించే కన్నతండ్రి నీవే
యేసయ్యా ఓ మెస్సీయా - హల్లెలూయా నీకే స్తోత్రమయా
