40
Holy, Holy, Holy, Lord God Almighty
1.శుద్ధి, శుద్ధి, శుద్ధి ! సర్వశక్త ప్రభు
ప్రాతఃకాలస్తుతి నీకే చెల్లింతుము
శుద్ధి, శుద్ధి, శుద్ధి ! కృపగల దేవా !
ముగ్గురైయుండు దైవత్ర్యేకుఁడా !
2. శుద్ధి , శుద్ధి , శుద్ధి ! అని పరమందుఁ
బరవాసు లెల్ల నిన్నేశ్లాఘింతురు
శెరపుల్ ఖెరూబులు సాష్టాంగపడి
నిత్యుఁడవైన నిన్ నుతింతురు .
3. శుద్ధి , శుద్ధి , శుద్ధి ! తేజరిల్లు దేవ
పాపి కన్ను చూడలేని మేఘ వాసివి
అద్వితీయ ప్రభు , నీవు మాత్రమేను
కరుణ , శక్తి , ప్రేమరూపివి .
4. శుద్ధి , శుద్ధి , శుద్ధి ! సర్వశక్త ప్రభు
సృష్టి జాలమంత నీ కీర్తిఁబడును
శుద్ధి , శుద్ధి , శుద్ధి ! కృపగల దేవ
ముగ్గురైయుండు దైవత్ర్యేకుఁడా !
– రెజినాల్డ్ హెబర్
అను : జేకబ్ చేంబర్లేన్.
