267
సువార్తికుల ఘనత
రా - కళ్యాణి, తా - త్రిపుట
ఎంతో సుందరమైనవి - ధర గిరులపై - నెంతో యందమైనవి = సంత తంబుఁ బరమ - ప్రేమను దెల్ప - సంతస మందుచు - సరిగ బ్రకటన జేయ = అంతటను బనిఁ బూని ప్రభు న త్యంతముగఁ బ్రక టించి వసుధ న - నంత మగు శుభవార్తఁ జాటెడు - వింత యగు బోధకుల పాదము ||లెంతో||
1.మందమతులగు వారలు - మూర్ఖత్వంబు - నొందు నెల్ల జనంబులు = వందుచుఁ గుందుచు - వన గిరి కందరము - లందు నున్న సకల - మౌ మోటుజన మెరుఁగఁ = పొందుగాఁ ప్రభు యే సొసంగెడు - సుందరం బగు సత్య వాక్యం - బందుకొని చాటించుచుండెడు - అంద మగు బోధ కుల పాదము ||లెంతో||
2.మదిలోఁ ప్రభుని నమ్మిన - పాపుల నెల్లఁ - తుదిని మోక్ష పదమ్మున = విదితమ్ముగాఁ జేర్చి - ప్రీతిఁ జూపున టంచు - ఇదిగో రమ్మని క్రీస్తు - పద సన్నిధిని జేర్ప - సదయులై శుభవార్తమానము = ముదమునను మదిలోన నిడి కొని - పదిలముగఁ ప్రకటించుచుండెడి - విదితు లగు బోధకుల పాదము ||లెంతో||
3.యేసు క్రీస్తు రారాజై - యున్నాఁడనుచు - భాసురంబుగఁ దెల్పుచు = వాసిగాఁ ప్రభు యేసు - వసుధ రక్షకుఁడనుచు యీ సువార్తను జాటి యిచట నెమ్మదినొంద - దోసకారి జనంబు లందరి - కీ సుమంగళ వార్తఁ దెలుపుచు - దోస మంతయుఁ బాపు మన ప్రభు - యేసుఁ జూపెడు వారి పాదము ||లెంతో||
- మేడికాయల సాధువు
