దేవలోక మహిమనంత భూమిపైకి తెచ్చాడు -
దీనురాలు కడుపు నుండి యేసు ఉదయించాడు (2)
మనుజాళిపై ప్రేమతో దేవదేవుడు - నరరూపమెత్తి బాలుడై నేల కాలు మోపినాడు (2)
కలిగెను విడుదల సంతోష క్రిస్మస్
వెలిగిన మనసుల సంబర క్రిస్మస్.. ||దేవలోక||
1.చీకటిని దూరంచేసి - దివ్యమైన కాంతినిచూపి -
ఎప్పుడూ మనతోడై నడిపిస్తాడు (2)
కీడు ఏది రాకుండా దీవెనలు పోకుండా (2)
కంటిపాపలా కాచి భద్రంచేసే ప్రాణ ప్రియుడు
కలిగెను విడుదల సంతస క్రిస్మస్
వెలిగిన మనసుల సంబర క్రిస్మస్.. ||దేవలోక||
2.పాపితోటి స్నేహం చేసి - పాపముల శిక్షను బాపి -
ఎప్పుడూ మన మధ్యే నివసిస్తాడు (2)
లోటు చూడనీకుండా - ఆటంకాలు లేకుండా (2)
అన్నింటినీ సమకూర్చి సాయంచేసే ప్రాణ ప్రియుడు
కలిగెను విడుదల సంతస క్రిస్మస్
వెలిగిన మనసుల సంబర క్రిస్మస్.. ||దేవలోక||
3.వేదనను మాయం చేసి- గుండెలోని బాధను మాన్పి -
ఎప్పుడూ మనతోనే పయనిస్తాడు (2)
శత్రుబారి పడకుండా - ఆశయాలు చెడకుండా (2)
చుట్టూ కేడెమైయుండి - కార్యంచేసే ప్రాణ ప్రియుడు
కలిగెను విడుదల సంతస క్రిస్మస్
వెలిగిన మనసుల సంబర క్రిస్మస్.. ||దేవలోక||
