భాసిల్లెను సిలువలో పాప క్షమా
యేసు ప్రభూ నీ దివ్య క్షమా ||భాసిల్లెను|| 1.కలువరిలో నా పాపము పొంచి -
సిలువకు నిన్ను యాహుతి చేసి (2)
కలుషహరా కరుణించితివి (2) ||భాసిల్లెను||
2.దోషము చేసినది నేనెకదా -
మోసముతో బ్రతికిన నేనెకదా(2)
మోసితివా నా శాపభారం (2) ||భాసిల్లెను||
3.పాపము చేసి గడించితి మరణం -
శాపమెగా నేనార్జించినది (2)
కాపరివై నను బ్రోచితివి (2) ||భాసిల్లెను||
4.నీ మరణపు వేదన వృధా గాదు -
నా మది నీ వేదనలో మునిగెను (2)
క్షేమము కలిగెను హృదయములో (2) ||భాసిల్లెను||
5.ఎందులకో నాపై ఈ ప్రేమ -
అందదయ్యా స్వామీ నా మదికి (2)
అందులకే భయమొందితిని (2) ||భాసిల్లెను||
6.నమ్మిన వారిని కాదన వనియు -
నెమ్మది నొసగెడి నా ప్రభుడవని (2)
నమ్మితి నీ పాదంబులను (2) ||భాసిల్లెను||
DOWNLOAD MP3 SONG HERE 👇
