70 దేవకుమారునికి స్తోత్రము
రా – శంకరాభరణము తా - ఆది
దేవ కుమారా – దీనోపకారా = నా వంక దయఁ జూప = నా వంక దయఁ జూప – నా యన్న రారా ॥దేవ॥
1. వృక్షముఁ బాసిన – పక్షి నేనయ్యా = అక్షీణ కరుణచే - రక్షింపవయ్యా ॥దేవ ॥
2. పాపుల పాలిటి – పరమదయాళూ పరమ దయాళూ = దీవించు నీ దయ – దీనునికిపుడు ॥దేవ ॥
3. వినుతింతు సద్గుణ – విమల విచారా = ననుఁ బ్రోవవే యేసు – నామావతారా || దేవ ॥
4. భజనఁ జేసెద నిన్ను – నిజ రక్షకుండ = విజయముఁ జేయవే – నజరేతు వాడా || దేవా||
5. కనికర మత్యంత – కరుణయుఁగలదు = నిను నమ్ము వాని చే – తిని వీడ వలదు || దేవ ||
6. మహనీయ గుణమణి – మండిత దేవా = ఇహబాధ బాపవే – ఇమ్మానుయేలా || దేవ ॥
- మిక్కిలి నమూయేలు
