Kolahalamuga gurimitho కోలాహలముగఁ గూరిమితోఁ

227

క్రీస్తు రెండవ రాకడ 

రా - కమలమనోహరి, తా - ఆది 

 

కోలాహలముగఁ - గూరిమితోఁ గూడి - కోలాటమాడను రా రా - మా - పాలిటి యేసుని పేరఁ - మాపాలిటి యేసుని పేర - మ - మ్మేలెడి దేవుని పేరఁ ||గోలాహలముగ||

 

1.మా సామి యా మోక్ష - వాసుండు నైనట్టి - యేసయ్య పోకను జూడు - మా యేసయ్యరాకను బాడు - యేసయ్య రాకను బాడు - నీ హోసన్న - యని మదివేడు ||కోలాహలముగ||

 

2.పాపంబులన్ మోసి - ప్రాణంబు బలి యిచ్చి - తాఁ బరమున కేగలేదా - నీ - జ్ఞాపకములోనికి రాదా - జ్ఞాపకములోనికి రాదా - నీ ప్రాపకుఁడై యుండలేదా ||కోలాహలముగ||

 

3.ఏలినవాడైన - యేసుని రాకను - నాలించి చూడవదేర - నిను పాలించు వాడనుకోర - పాలించువాడనుకోర - పరి - శీలించువాడనుకోర ||కోలాహలముగ||

 

4.అంతములో భువి - కా యేసునాధుండు - చెంతను దూతలతోడ - బల్ - వింతగ వచ్చును జూడ - వింతగ వచ్చును జూడ - న - త్యంత బలముతోడ రాఁడ ||కోలాహలముగ||

 

5.ఆకాశ భూమ్యాదు - లార్భటిలు దూతల - మూకలతోఁ గూడినాఁడు - ఈ లోకాని కేతెంచుఁవాడు - లోకాని కేతెంచువాఁడు ఇఁక వీకతోఁ బ్రభుని బాడు ||కోలాహలముగ||

 

6.భీకర సింహపు - టాకారముతోను - ఢీకొని మేఘములతోడ - బల్ - బాకారవంబులు బాడ - బాకారంబులు బాడ - నిటు ఢీకొని వచ్చెను జూడ ||కోలాహలముగ||

 

7.భాసురమైనట్టి - యేసయ్య రాకను - ఈ సూర్యుఁడు జూడలేఁడు తన వి - కాసము జీఁకటౌను వి - కాసము జీఁకటౌను - నీ కా సుగతిఁ జూపువాఁడు ||కోలాహలముగ|| 

- మిక్కిలి సమూయేలు 

Paapi kaashrayudavu neeve | పాపి కాశ్రయుఁడవు నీవే

169  

యేసు పాపికి ఆశ్రయుఁడు

రా - శంకరాభరణము, తా - అట

        పాపి కాశ్రయుఁడవు నీవే యేసు నీవే

1.ఉన్నత లోకము విడిచిన నీవే = కన్నియ గర్భమునఁ బుట్టిన నీవే యేసు నీవే ||పాపి||

2.అజ్ఞాన నాశన ¹బ్రధ్నుఁడవు నీవే = విజ్ఞాన దాయక పరగురువు నీవే - యేసు నీవే ||పాపి||

3.చెదరిన పాపుల వెదకెడు నీవే = చెదరిన గొఱ్ఱెల కాపరివి నీవే - యేసు నీవే ||పాపి||

4.రోగిష్ఠులకు ²స్వస్థ ప్రదుఁడవు నీవే = మ్రోగు నార్తుల యొక్క మొఱవిను నీవే - యేసు నీవే ||పాపి||

5.నర పుత్రులకు నీతిఁ గరపించు నీవే = కరము చాఁపి కష్టములు ద్రోయు నీవే - యేసు నీవే ||పాపి||

6.శాత్రవాంతరమున మృతుఁడవు నీవే = మైత్రిఁ జూపఁగ మృత్యుద్ధతుఁడవు నీవే - యేసు నీవే ||పాపి||

7.భవ దీయ పదకంజ దాసుండ నేనే = ³భవ మగ్ను నను ముక్తుఁ జేయుము నీవే - యేసు నీవే ||పాపి||

                             – మిక్కిలి సమూయేలు

---------------------------------

¹సూర్యుడవు. ²ఆరోగ్యము నిచ్చువాడవు. ³పాపములో మునిగిన వాడనాగు.

Eeyana yesu rakshakudu | ఈయనా యేసు రక్షకుడు

164 

ఆశ్చర్యకరమగు క్రీస్తు ప్రేమ

(ఛాయ: ఈలాటిదా యేసు ప్రేమ)

రా - ఆనందభైరవి,  తా - కురుఝుంపె

  ఈయనా యేసు రక్షకుడు తన - దాయమని రక్షింపఁ - దలఁచెనా నన్ను - నీయనా యేసు రక్షకుఁడు = ఆయాసమగు నొక్క మోపు - నే - మోయలేకుండ నా - మూపుపై నుండ - శ్రేయఃకరపు సిలువఁజూపి - నాకు - హాయి నిచ్చెను భార - మంత వెడలించి ||యీయనా||

1.దురితాత్ముఁడని త్రోయకుండ నన్నుఁ - బరిశుద్ధుఁడా యేసు - ప్రభుఁడు కరుణింప = ధరణిలో నిది మహాద్భుతము - నే - మరుతునా యీ ప్రేమ - మరణమౌ దాఁక ||ఈయనా||

2.ఓపఁగూడని దుష్కృతంబుల్ - నేను - తేపతేపకుఁ జేసి - ద్వేషినై యుండఁ = గోప మింతైన రానీక - నన్నుఁ - గాపురుషుఁ డని తాను - ఖండింపఁ డాయె ||నీయనా||

3.మనస్తమో గుణము లెడబాపెన్ - నా - దినకరోదయ మట్లు - దీప్తిమది మించెన్ = తన పాదములఁ జాడ లబ్బెన్ - సదా - వినుతి కెక్కిన వాని విమలాత్మ వెలుఁగు ||నీయనా||

4.హతుఁ డయ్యె నాయేసు నాకై - దు - ర్గతి తొలఁగి నాకు మో - క్షమే గల్గు కొఱకు = అతి దయాదీర్ఘశాంతుండే - దైవ - సుతుఁ డని యెఱిగితి - శోధింపఁగాను ||ఈయనా||

5.దీవింపఁదగు నతని సిలువ నా - జీవాంతమగు దనుక - చెలఁగి మోయుచును = ఈ వసుంధర జనుల కెల్ల మీరు - సేవించుఁ డేసునని - చెప్పి చాటుదును ||ఈయనా||

                         – మిక్కిలి సమూయేలు

Yesu punarudhanamayenu | యేసు పునరుత్థానమాయెను

220   

క్రీస్తు పునరుత్థానము

రా - తోడి, తా - ఆది

(ఛాయ: వారు భాగ్యవంతు లౌదురు)

యేసు పునరుత్థానమాయెను - చావునొంది క్రీ - స్తేను పునరుత్థానమాయెను = యేసు పునరుత్థానమాయె -  దాసులెల్ల నుతింప వింతగ - భాసురంబుగ భక్తలన్బర - వాసులుగఁ దాఁజేయు నిప్పుడు ||యేసు||

1.బేధపడి యా సిల్వమీఁదను - దుష్టాత్మ లాయన - నాదరంబుగఁ బట్టి మోదను = పాదుకొని ప్రేమన్మతిన్పరి - పంధి జనుల గావుమంచును - సాదరంబుగ వేఁడె తండ్రిని -  శత్రులను రక్షింప నిప్పుడు ||యేసు||

2.దుష్టజను లేతెంచుచున్నారు - నన్నుఁబట్టి చాలఁగ -  గష్టపెట్టఁ దలంచు కొన్నారు = విష్టపంబున సిల్వమీఁదను -  వేదన క్రూరముగ బెట్టుచు - భ్రష్టులైనను బాసిమీరఁక -  పారిపోయెదరంచు నిప్పుడు ||యేసు||

3.ఆమహిన్పరి శుద్ధవంతుఁడై - జన్మించె దేవుని -  నీయందున నీతిమంతుఁ డై = యీ మహిని బోధింప దోష వి - హీనుఁడైన నిరపరాధిని - స్వామి ద్రోహిగ నెంచి యూదులు - చంపి పూడిచిపెట్ట నిప్పుడు ||యేసు||

                         – మిక్కిలి సమూయేలు

Sharanu Naa Yesu Prabhuva | శరణు నా యేసు ప్రభువా

322                     క్రీస్తు మోక్ష మార్గము 

రా – అనంద భైరవి (చాయ: దేవుని ప్రేమ ఇదిగో )తా - కురుజంపై 

శరణు నా యేసు ప్రభువా - నీవెగా - పరలోకమునకుఁ ద్రోవ = కరుణతో నన్నుఁ గావ - నీ కన్న గర్త యెవ్వఁడు యేసువా || శరణు ||

1. పర సుఖము విడిచినావు - కన్యక - మరియ గర్భమున నీవు = ధరణి నుదయించినావు - నీ కన్న - దాత యెవ్వఁడు యేసువా || శరణు ||

2. పాపభారము క్రిందను - బడి యున్న - పాపాత్ములను నెల్లను = జేఁపట్టి రక్షింపఁగా - నీ కన్న - శ్రేష్ఠుఁ డెవ్వఁడు యేసువా || శరణు || 

3. మరణమై లేచినావు - జీవింప - మార్గంబుఁ జూపినావు = పరమహిమ జూపినావు - నీ కన్నఁ - ప్రభుఁ డెవ్వడు యేసువా || శరణు || 

                                         – మిక్కిలి సమూయేలు

DOWNLOAD MP3 SONG HERE 👇

Vyoma Simhasanathuda | వ్యోమ సింహాసనస్థుఁడ యుర్వి

22

దేవుని ప్రభావ వర్ణన

రా – నాట, తా – అట

(చాయః యేసుక్రీస్తు దొరికెనేని)

¹వ్యోమ సింహాసనస్థుఁడ ²యుర్వి పాదపీఠస్థుఁడ ³మామకీన దయా మయుఁడ - మమ్ముఁగావుమో దేవుఁడ || వ్యోమ ||

1.⁴అంతరిక్ష లోకదీప - యద్భుతాదృశ్య స్వరూపా = యింత నీ మహిమనోప - నెంతది నా నాల్క చూప || వ్యోమ ||

2.గాలి టెక్కల పైనెక్కి - గాఢాంధకారమునందు = నేలికవై సంచరించు - నట్టి నిన్ను మ్రొక్కుచుందు || వ్యోమ ||

3.నీతి న్యాయ దీర్ఘశాంతా - నిర్మల ⁵దయా నితాంతా = ప్రీతినుంచవే ⁶శ్రీమంతా - పెద్దఁగా నా కాలమంతా || వ్యోమ ||

4.సర్వ భూలోక పూజితా సత్య సద్గుణ రాజితా = గర్వ దుస్స్వభా ⁷వాహితా - కావునన్నీ నాట పితా || వ్యోమ ||

5.నమ్మిన యీనన్నఁ తూల - నాడవు దీనాత్మపాలా = క్రమ్మి నీ ప్రేమతోఁ జాల - బ్రోతువు దయాలా ⁸వాలా || వ్యోమ ||

- మిక్కిలి సమూయేలు

________________________________

¹ఆకాశము. ²భూమి. ³నాది. ⁴ఆకాశము. ⁵విస్తారదయగలవాడ. ⁶సంపదగలవాడా. ⁷పగవాడు. ⁸ ఉనికిపట్టు.

Sarva shakthuni sthothraganamu | సర్వ శక్తుని స్తోత్రగానము సల్పరే

8

సర్వశక్తుని స్తోత్రగానము

రా - బిలహరి, రా - త్రిపుట

(చాయ: యేసునాధ కథా సుధారస)

  సర్వ శక్తుని స్తోత్రగానము - సల్పరే జగ మెల్లను = నిర్వహించును దాస భారము - నిత్య మెద రాజిల్లను ||సర్వ||

1.ముదముతో నిర్మాణకుండగు - మూల కర్తను బాడరే = వదన ¹మీక్ష్మాన్వంచి దేవుని వందనముతో వేఁడరే ||సర్వ||

2.వేదపారాయణము సేయుచు - విశ్వ మంత జయింపరే =  సాదరముగా దేవు నిఁక మీ - స్వాంతమునఁ బూజింపరే ||సర్వ||

3.ఎదను విశ్రాంతిన్ పరేశుని - హెచ్చుగా నుతిఁజేయరే =  సదమలంబగు భక్తితో మీ - సర్వ మాయన కీయరే ||సర్వ||

4.చావు పుట్టుక లేనివాఁడుగ - సంతతము జీవించును = ఈవు లిచ్చుచుఁ దన్ను వేఁడు మ - హేష్టులను రక్షించును ||సర్వ||

5.దాసులై దేవునికి నెదలో ²దర్పమును బోఁగాల్పం = యేసు క్రీస్తుని పుణ్యవస్త్రము - నే మరక మైదాల్పరే ||సర్వ||

                          - మిక్కిలి సమూయేలు

___________________________

 ¹భూమిపై వంచి. ²గర్వమును.

Sharanu Jochithi Yesu | శరణు జొచ్చితి యేసునాధుడ

421

యేసు శరణుజొచ్చుట 

రా – కేదారగౌళ, తా - త్రిపుట

శరణుఁ జొచ్చితి యేసునాధుఁడ - శక్తిహీనతఁ గల్గే నా = దరణ మిమ్మిల నెవ్వఁ బొందితి - దవ్వుసేయక కావవే ||శరణు||

1. కరుణఁ జూడుము కన్న తండ్రివి – కల్మషం బెడఁబాపవే = మరణ మొందక మున్ను నన్నిల - మార్పు నొందఁగఁ జేయవే ||శరణు||

2. మొరను జెచ్చెర నాలకించుచు - మోము నా దెసఁ జూపవే = యురు పదంబుల సేవఁ జేసెద - నుద్ధరించుము కూర్మితో ||శరణు||

3. తామస క్రియలందు వాంఛలు - తాకకుండగఁ జేయవ = క్షేమమైన సువార్త బోధల - సిద్ధపడి విననీయవే ||శరణు||

 4. శ్రమలు చాల కల్గి యున్నను - సైఁప నేర్పుము సత్కృపన్ = గమిలి పోయెడి మాయ లోకపు - గాంతి నీరస మంచు నీ ||శరణు||

  – మిక్కిలి సమూయేలు

DOWNLOAD MP3 SONG HERE 👇

Manasa yesu marana badha | మనస యేసు మరణ బాధ

180

క్రీస్తు సిలువ బాధ 

రా - గాంధారి, తా - ఏక

మనస యేసు మరణ బాధ - లెనసి పాడవే - తన - నెనరు జూడవే యా - ఘనుని గూడవే = నిను - మనుప వచ్చె ననుచు నమ్మి మదిని వేడవే ||మనస||

1.అచ్చి పాపములను బాప - వచ్చినాడట - వా - క్కిచ్చి తండ్రితో - నా - గెత్సెమందున = తా - జొచ్చి యెదను నొచ్చి బాధ - హెచ్చు గనెనట ||మనస||

2.ఆ నిశీధ రాత్రి వేళ - నార్భటించుచు - న - య్యో నరాంతకుల్ - చే బూని యీటెలన్ = ఒక - ఖూని వాని వలెను గట్టి - కొంచు బోయిరా ||మనస||

3.పట్టి దొంగవలెను గంత - గట్టి కన్నులన్ - మరి - గొట్టి చెంపలన్ వడి - దిట్టి నవ్వుచున్ = నిను - గొట్టి రెవ్వ రదియు మాకు జెప్పు - మనిరట ||మనస||

4.ముళ్లతోడ నొక కిరీట - మల్లి ప్రభు తలన్ -  బెట్టి - రెల్లు కర్రతో నా - కల్ల జనములు = రా - జిల్లు మనుచు గొట్టి నవ్వి - గొల్లు బెట్టిరా ||మనస||

5.మొయ్యలేక సిల్వ భరము - మూర్ఛ బోయెనా - అయ్యయ్యో జొక్కెనా - యే - సయ్య తూలెనా = మా - యయ్య నిన్ దలంప గుండె - లదరి పోయెనా ||మనస||

6.కాలు సేతులన్ గుదించి - కల్వరి గిరిపై - నిన్ - గేలిజేయుచు - నీ - కాళ్ల మీదను = నినుప - చీలలతో గ్రుచ్చి నిన్ను - సిల్వం గొట్టిరా ||మనస||

7.దేవ సుతుడ వైతి వేని - తీవరంబుగా - దిగి - నీవు వేగమే - రమ్ము - గావు మనుచును = ఇట్లు - గావరించి పల్కు పగర - కరుణ జూపెనా ||మనస||

8.తన్ను జంపు శత్రువులకు - దయను జూపెనా తన - నెనరు జూపెనా - ప్రభు - కనికరించెనా = ఓ - జనక యీ జనుల క్షమించు - మనుచు వే డెనా ||మనస||

9.తాళలేని బాధ లెచ్చి - దాహ మాయెనా - న - న్నేలు వానికి - నా - పాలి స్వామికి = నే - నేల పాపములను జేసి - హింస పరచితి ||మనస||

10.గోడు బుచ్చి సిలువ పైన - నేడు మారులు - మా - ట్లాడి ప్రేమతో - నా నాడు శిరమును = వంచి - నేడు  ముగిసే సర్వ మనుచు - వీడె బ్రాణము ||మనస||

11.మరణమైన ప్రభుని జూచి - ధరణి వణకె నా - బల్ - గిరులు బగిలెనా - గుడి - తెరయు - జీలెనా = దివా - కరుడు చీక టాయె మృతులు - తిరిగి లేచిరి ||మనస||

12.ఇంత జాలి యింత ప్రేమ - యింత శాంతమా - నీ - యంతః కరుణను - నే - జింత చేయగా = నీ - వింత లెల్ల నిత్య జీవ - విధము లాయెనా ||మనస||

  - మిక్కిలి సమూయేలు

DOWNLOAD MP3 SONG HERE 👇