మంచు కురిసే కాలంలో - మంచి కార్యం జరిగెను లోకంలో (2)
మహిమ రాజ్యం నుండి - మరియ గర్భమున మా మనిషిగ (2)
యేసు పుట్టెను - జనులకు రక్షణను తెచ్చెను
క్రీస్తు పుట్టెను - కమ్మని పండుగను తెచ్చెను (2)
సల్లా సల్లని దారులలో - గొర్రెల కాపరుల గాన కచేరీలు
మెల్ల మెల్లగా చేరి ఆరాధించిరి - తూర్పు దేశపు మహాజ్ఞానులు (2)
1.ఆనాడు దావీదు వంశంలో - క్రిస్మస్ గానాలు పాడగ
ఈనాడు సొంత రక్షకునికి - క్రిస్మస్ ఆరాధన చేయంగ (2)
క్రిస్మస్ పవనాలు వీస్తున్నాయి - దరిదాపుచేరి ధన్యులుకండి (2) ||సల్లా||
2.నరులారా నమ్మండి వాక్యాన్ని - ప్రవక్తల ప్రవచనాలు నిజమని
యెష్షయి మొద్దు చిగురించెను - క్రీస్తు అనే చిగురు పుట్టెను (2)
పాపుల పాలిట మన రక్షకుని - పూజసేయ పరుగున రండి (2) ||సల్లా||
