273
పిన్న పెద్దల బాప్తిస్మము
(చాయ: వారు భాగ్యవంతులు)
రా - నీలాంబరి, తా - త్రిపుట
యే సొసంగె గొప్ప యాజ్ఞను - తన శిష్యులకును - యేసొసంగె గొప్ప యాజ్ఞను = దాసులునుగఁ జేయ బోయి - ధరణిమీఁది రాష్ట్రములకు - ఆ సను బాప్తిస్మ మిచ్చి - నా సుబోధ నేర్పుఁడనుచు ||యేసొసంగె||
1.జనక కుమారాత్మల పేర - బాప్తిస్మ మియ్యఁ - చనుడు మీరు సకల దిశలను = తనయు లైనఁ తల్లులైనఁ - తండ్రులైనఁ బొందవచ్చుఁ - దగిన రీతి దాని నిపుడు - తండ్రియైన దైవ కృపను ||యేసొసంగె||
2.బాలు రెల్ల బొందవచ్చును - బాప్తిస్మ మిపుడు - జాలిఁ జూపు క్రీస్తు సెలవున = బాలు రందుఁ బ్రేమ నుంచి - ప్రభువు పిలుచు వారి నెల్లఁ జాల మేలు సేయ గోరి - సకల కాలముల యందు ||యేసొసంగె||
3.పొందవలయు బాప్తిస్మము - శుద్ధాత్మ చేత - విందుఁ గలుగు మనుజు లందరు = మంద బుద్ధి విడిచి పెట్టి - మహిమ గల్గు దేవు గొల్వ - నందము గను లేచి రండి - హర్ష పూర్ణు లగుచు మీరు ||యేసొసంగె||
- పులిపాక జగన్నాథము
