Idi Devuni Vijayamu | ఇది దేవుని విజయము

ఇది దేవుని విజయము సాతనుని పతనము (2)

సిలువలో నెత్తుటి ధారలు - సాతానునికే చితి మంటలు - హల్లెలూయ హల్లెలూయ హల్లెలూయ హల్లెలూయ(2) ||ఇది||

1. మోహపు చూపుల మనిషి మోముపై - ఉమ్మి వేసెను, ఉమ్మి వేసెను - 

మోసపు తలపుల మనిషి శిరస్సుపై ముళ్ళ కిరీటం, ముళ్ళ కిరీటం - 

పాపా తనువున కొరడా దెబ్బలు - శాప కరముల కఠిన శీలలు - 

అపవాదికే అంత్య క్రియలు ప్రభు యేసుకే విజయ గీతికలు ||ఇది||

1. లోక పాపమును శోక భారమును - సిలువ వేయుటే తండ్రి చిత్తము - 

పాప క్షమాపణ శాప విమోచన సాధించుటయే తనయుని త్యాగము - 

మానవాళికి మోక్ష మార్గము - మానవాత్మలకు రక్షణ భాగ్యం(2) - సిలువ సునాదం పునారుద్దానం - పరిశుద్ధాత్ముని ఘన సాక్ష్యం  ||ఇది||