Yehovanu sthuthinchuta manchidi | యెహోవాను స్తుతించుట మంచిది

యెహోవాను స్తుతించుట మంచిది మహోన్నతుడా 

నీ నామమును కీర్తించుటయు బహుమేలైనది ||యెహోవాను||

1.పది తంతుల సర్వమండలముతోను - 

గంభీరధ్వని గల సితారతోను - 

యెహోవా నినుగూర్చి ప్రచురించుట మంచిది ||యెహోవాను||

2.ఉదయమున నీకృపయు ప్రతిరాత్రియందు -

నీదు విశ్వాస్యతను తాళ - వాయిద్యములతోను -

వాయించి నిన్ను గూర్చి ప్రచురించుట మంచిది ||యెహోవాను||

3.ఎందుకనగా యెహోవా నీ కార్యముచేత -

నీవునన్ను సంతోషపర్చు చున్నావు - 

నీచేతి పనులను బట్టి నే ప్రోత్సాహించుచున్నాను ||యెహోవాను||

4.యెహోవా నీకార్యములు ఎంతో దొడ్డవి-

నీ ఆలోచనలతి గంభీరములు -

పశుప్రాయులు గ్రహింప రవివేకులు వివేచింపరు ||యెహోవాను||

5.చెడుపనులు చేయువారు పుష్పించుదురు -

గడ్డివలె చిగుర్చుదురు నిత్యనాశానము -

నొందుటకే గదా పెరుగుదురు ||యెహోవాను||