263
క్రీస్తు సంఘమునకు శిరస్సు
రా - బేహగ్, తా - ఆది
సంఘ శిరసై వెలయు ప్రభువా - సత్యకృప సంపూర్ణ ప్రభావా = సర్వ క్రైస్తవ సంఘ మహి మా - స్త్రోత్రగీతల్ స్వీకరింపుమా ||సంఘ||
1.సంఘ యస్థిభారము వివే - సంఘ జీవాధారము నీవే = సర్వ జనరక్షణము నీవే - సర్వలోక నిరీక్షణ నీవే ||సంఘ||
2.తరణి చుట్టు తారాగ్రహములు - పరివృత్తంబై తిరుగు రీతిని = తల యె క్రీస్తయ తనువే భక్తులై - తగిన సఖ్యత నైక్యత నుందురు ||సంఘ||
3.నూతనాత్మ నూతన జన్మ - నీతి సేవా నిరతియు గలిగి = నిత్య మాతనియందు నిలచి - నెగడు వారే నిజక్రైస్తవులు ||సంఘ||
4.ఆత్మశుద్ధి - అనుపమబుద్ధి అమలవర్తన మనిశము గలిగి = ఆత్మఫలములు జాపన నేర్చిన - యను భవంబే క్రైస్తవంబు ||సంఘ||
5.విశ్వసింతుము నిన్నే మేము - విమల జీవ ప్రదాయకుండ = వరుడనీవై వరదుడ వీవై - విశ్వ భారతి నుద్ధరింపుమా ||సంఘ||
- చెట్టి భానుమూర్తి
No comments:
Post a Comment