167
క్రీస్తుని అద్భుత ప్రేమ
రా - భైరవి, తా - ఆది
ఓ వింత! నా రక్షకుఁడా నాకై - నీ విలువ రక్తము కార్చితివా = జీవాధిపతి మృతిఁ జెందె నహహా పురుగు - వంటి నాకై నీ - జీవ మర్పించి నావా ||ఓ వింత||
1.నేను జేసిన పా - పములకు నాయన - మ్రానిమీఁదను మూల్గినావా = నేను గ్రహింపలేని - నీ జాలి కరుణ మితి - లేని ప్రేమ దీని - వలనను గనుపడుచు నున్నది ||ఓ వింత||
2.పరమ శరీరుఁడు తా - మరణ రక్తంబుచేతఁ - గరుణతో నన్నుఁ బ్రోచినాఁ డా = మరుతునా యీ ప్రేమ నా - మరణంబు నందు సహా - కర్తృ కటాక్షములు - కలకాల ముండు నాతో ||ఓ వింత||
3.నా యేసు నాధ నీకు - నేనచ్చియున్న దెల్ల - నా లేమితోఁ బ్రేమ గదా = నియమంబు గల ప్రభువా - నీకెట్లు చెల్లించెదను - నన్ను నేనే నీకు - నర్పించుకొనుట గాక ||ఓ వింత||
– తామస్ హీలీన్
No comments:
Post a Comment