Randu vishwasulaara randu| రండు విశ్వాసులారా రండు

214    

పునరుత్థాన విజయము

రా - శంకరాభరణం,  తా - ఆది

రండు విశ్వాసులారా రండు విజయము సూచించు చుండెడు సంతోషంబును గల్గి మెండుగ నెత్తుడి రాగముల్ నిండౌ హర్షము మనకు నియమించె దేవుఁడు విజయం, విజయం, విజయం, విజయం ||విజయం||

1.నేటి సమయ మన్ని యాత్మలకును - నీ టగు వసంత ఋతువగును - వాటముగఁ జెరసాలను గెలిచె - వరుసగ మూన్నాళ్ నిద్రించి = సూటిగ లేచెన్ - యేసు - సూర్యుని వలెన్ ||విజయం||

2.కన్ను కన్నుకానని చీఁకటి - కాలము క్రీస్తుని కాంతిచే -  నిన్నాళ్లకు శీఘ్రముగఁ బోవు - చున్నది - శ్రీ యేసుని = కెన్నాళ్ల కాగని - మన - సన్నుతుల్ భువిన్ ||విజయం||

3.బలమగు మరణ ద్వారబంధ - ములు నిన్ బట్టకపోయెను - వెలుతురు లేని సమాధి గుమ్మ - ములు నిన్నాపక పోయెను = గెలువ వాయెను - కా - వలియు ముద్రయు ||విజయం||

4.పన్నిద్దరిలోపల నీ వేళ - సన్నుతముగ నీవు నిలిచి -  యున్నావు మానవుల తెలివి - కెన్నఁడైన నందని =  యౌన్నత్య శాంతిని - న - నుగ్రహింతువు ||విజయం||

                 – ముంగమూరి దేవదాసు