Edabaayani Nee Krupa | ఎడబాయని నీ కృప

ఎడబాయని నీ కృప - నను విడువదు ఎన్నటికీ (2)

యేసయ్యా నీ ప్రేమానురాగం - నను కాయును అనుక్షణం (2) ||ఎడబాయని||

శోకపు లోయలలో – కష్టాల కడగండ్లలో

కడలేని కడలిలో – నిరాశ నిసృహలో (2)

అర్ధమేకాని ఈ జీవితం – ఇక వ్యర్థమని నేననుకొనగ (2)

కృపా కనికరముగల దేవా – నా కష్టాల కడలిని దాటించితివి (2) ||ఎడబాయని||

విశ్వాస పోరాటంలో – ఎదురాయె శోధనలు

లోకాశల అలజడిలో – సడలితి విశ్వాసములో (2)

దుష్టుల క్షేమమునే చూచి - ఇక నీతి వ్యర్థమని అనుకొనగ (2)

దీర్ఘశాంతముగల దేవా - నా చేయి విడువక నడిపించితివి (2) ||ఎడబాయని||

నీ సేవలో ఎదురైన – ఎన్నో సమస్యలలో

నా బలమును చూచుకొని – నిరాశ చెందితిని (2)

భారమైన ఈ సేవను - ఇక చేయలేనని అనుకొనగ (2)

ప్రధాన యాజకుడా యేసు - నీ అనుభవాలతో బలపరిచితివి (2) ||ఎడబాయని||

                                      –  మాథ్యూస్

DOWNLOAD MP3 SONG HERE 👇