Kreesthe Sarvadhikari క్రీస్తే సర్వాధికారి

144

యేసే సర్వాధిపతి 

క్రీస్తే  సర్వాధికారి - క్రీస్తే మోక్షాధికారి 

క్రీస్తే మహోపకారి - క్రీస్తే ఆ సిల్వధారి ||క్రీస్తే||  

1.ముక్తి విధాత నేత - శక్తి నొసంగుదాత

భక్తి విలాప శ్రోత - పరమంబు వీడె గాన ||క్రీస్తే||  

2.దివ్య పథంబురోసి - దైవంబు తోడుబాసి

దాసుని రూపుదాల్చి - ధరణి కేతెంచెగాన ||క్రీస్తే||  

3.శాశ్వత లోకవాసి - సత్యామృతంపురాశి

శాప భారంబు మోసి - శ్రమల సహించెగాన ||క్రీస్తే|| 

4.సైతానుజనము గూల్చన్ - పాతాళమునకు బంపన్

నీతి పథంబు బెంప - రుధిరంబు గార్చెగాన ||క్రీస్తే||  

5.మృత్యువుముల్లు తృంపన్ - నిత్యజీవంబు బెంపన్ 

మర్త్యాలిభయము దీర్పన్ - మరణంబు గెలిచెగాన||క్రీస్తే||  

6.పరమందు దివిజులైన - ధరయందు మనుజులైన

ప్రతి నాలుక మోకాలు - ప్రభునే భజించుగాన||క్రీస్తే||  

7.ఈ నామమునకు మించు - నామంబు లేదటంచు

యెహోవా తండ్రి యేసున్- హెచ్చించి నాడుగాన||క్రీస్తే||

- రావూరి రత్నము

DOWNLOAD MP3 SONG HERE 👇