Chintha Ledika Yesu | చింత లేదిక యేసు పుట్టెను

109                

కరుణగల రక్షకుడు

రా - బిలహరి, తా - త్రిపుట

చింత లేదిఁక యేసు పుట్టెను - వింతగను బేత్లహేమందునఁ = చెంత జేరను రండి సర్వజనాంగమా - సంతస మొందుమా॥చింత॥

1.దూత తెల్పెను గొల్లలకు శుభ - వార్త నా దివసంబు వింతగా - ఖ్యాతి మిరఁగ వారు యేసును గాంచిరి - స్తుతు లొనరించిరి ॥చింత॥

2.చుక్కఁ గనుగొని జ్ఞాను లెంతో - మక్కువతో నా ప్రభుని గను గొన = చక్కఁగా బెత్లముపురమున జొచ్చిరి - కానుక లిచ్చిరి ॥చింత॥

3.కన్యగర్భమునందుఁ బుట్టెను - కరుణగల రక్షకుఁడు క్రీస్తుఁడు = ధన్యులగుటకు రండి వేగమె దీనులై - సర్వమాన్యులై॥చింత॥

4.పాప మెల్లను పరిహరింపను - పరమ రక్షకుఁ డవతరించెను = దాపుఁ జేరిన వారి కిడుఁ గడు భాగ్యము - మోక్షభాగ్యము ॥చింత॥

DOWNLOAD MP3 SONG HERE 👇