నీకే కలుగును గాక మా దేవా - నీకే కలుగును గాక !
1.బుద్ధి, జ్ఞాన సర్వ సంపదలు - నీ దానములే జ్ఞాన స్వరూపి (2)
జగమును సౄష్టించి - నిర్వహించు వాడవు (2)
నీ జ్ఞానమును - వివరింపతరమా (2)
నీ జ్ఞానముతో నింపు మమ్ము మాదేవా - నీ జ్ఞానముతో నింపు మమ్ము
2.వెండి బంగారు అష్టైశ్వర్యములు - నీ దానములే శ్రీ మంతుడా
శ్రేష్ఠ ఈవులనిచ్చు - జ్యోతీర్మయుడవు
నీ మహిమైశ్వర్యం - వివరింపతరమా
నీ మహిమైశ్వర్యమిమ్ము మా దేవా - నీ మహిమైశ్వర్యమిమ్ము
3.అధిక బలము సంపూర్ణ శక్తి - నీ దానములే యుద్దశూరుడా
నీ కసాద్యమైనది లేదే యెహోవా
నీ సర్వశక్తిని - వివరింపతరమా
నీ సర్వశక్తితో నింపు మా దేవా - నీ సర్వశక్తితో నింపు
4.శాశ్వతమైనది నీ మధుర ప్రేమ - జ్ఞానమునకు మించు ప్రేమాస్వరూపీ
కొలువగలేము నీ - ఘనప్రేమను
సాటిలేని నీ ప్రేమన్ వివరింపతరమా
నీ ప్రేమతో నింపు మమ్ము మా దేవా - నీ ప్రేమతో నింపు మమ్ము
5.ఆర్పగలేము నీ ప్రేమ అగ్నిని - అగాధ సముద్రముల్ జ్వాలామయుడా
మరణమంత బలమైన - నీ ప్రేమ ధాటిని
అగపె ప్రేమను - వివరింప తరమా
అగపే ప్రేమతో నింపు మా దేవా - అగపే ప్రేమతో నింపు
No comments:
Post a Comment