229
క్రీస్తు మహిమతో వచ్చుట
రా - ఘంటా, తా - అట
మహిమతో మన యేసు - ఇహమునకు వేంచేయున్ = సహోదరులారా మన మా - మహిమలో వెలుఁగుదుము ||మహిమతో||
1.మోములు వంచి యేసు - నామము నుతియించు = పామరులమైన మనలఁ - బ్రేమతోఁ గప్పినాఁడే ||మహిమతో||
2.పాత్రులమా మనము - శత్రులమే కాదా = మిత్రులన్ జేసిన వి - చిత్రము తెలియలేము ||మహిమతో||
3.శిరముల పైని జీవ - కిరీటములతోను = బరమ దేవుని వరములు - మురి యుచు మరువలేము ||మహిమతో||
4.వీణెలతో మనము - నాణెమైన పాట = ఋణము చెల్లింపలేమని - యణఁ గి మణఁగి పాడుదుము ||మహిమతో||
- గొల్లపల్లి నతానియేలు
No comments:
Post a Comment