Sri yesu divya namasmarana | శ్రీ యేసు దివ్య నామస్మరణ

142

యేసు నామస్మరణ

రా - హిందుస్థానీ కాపి,   తా - రూపకము

(ఛాయ: ఆహా మహాత్మ! హాశరణ్య)

శ్రీ యేసు దివ్య నామస్మరణ- చేయవే మనసా = 

పాయక స్మరియించి పరము - పొందువే మనసా ||శ్రీ||

1.నరుల పాప హరణమునకై - నరుడయ్యె మనసా = పరమ పుర ద్వారంబు మనకు - తెరచెనే మనసా ||శ్రీ||

2.నరుల పాప శాప ఫలము - నరకమే మనసా = 

ఆ - మరణమును తొలంచప్రభువే - నుడిసె నేమనసా ||శ్రీ||

3.పాపమునకు ప్రాయశ్చిత్తం - భవ్యమే గదా = 

ప్రభువే ప్రాయశ్చిత్తం బలియై - పరగెనే మనసా ||శ్రీ||

4.సిలువవేసి ప్రభుని ప్రజలు - చంపిరే మనసా = 

ఆ - బలుడు తిరిగి లేచి మృతిని - గెలిచేనే మనసా ||శ్రీ||

5.గెలిచి యేసు హితులమధ్య - నిలిచెనే మనసా = 

నిలిచి సమాధాన మంచు - పలికెనే మనసా ||శ్రీ||

6.పునరుత్థాన మేసు దేవ - పుత్రుడని మహా = 

ఘనముగా ప్రకటించుచుండ - కాననే మనసా ||శ్రీ||

7.తానె మార్గం తానెసత్యం - తానెజీవము  

ఈ - ఘన సత్యంబు నమ్మునరులు - ధన్యులే మనసా ||శ్రీ||

8.నిన్ను నీ వెరింగి ప్రభుని - నెరుగ వే మనసా

సన్నుతు డందుల కొసంగె - సత్యవేదము ||శ్రీ||

9.పాపములకు పరితపించి - ప్రభుని జేరవే

దాపునకు రమ్మంచు కరము - చాపేనే మనసా ||శ్రీ||

10.ఎంత ఘోరపాపమైన - నెంచడే మనసా =

ఎంత మొత్తమైనను క్షమి - యించునే మనసా ||శ్రీ||

11.బ్రతుకు శాశ్వతంబు కాదు - పరికించు మనసా

ఈ - బతుక్నందె ప్రభుని పదము - పట్టుకో మనసా ||శ్రీ||

12.జనక కుమారాత్మ దేవున్ - జపియించు మనసా = అనయమును స్మరించు స్వర్గ - మద్దియే మనసా ||శ్రీ||

            – పంతగాని పరదేశి