Aa yandhakarapu reyilo | ఆ యంధకారంపు రేయిలో

178

ఆయన అప్పగింపబడిన రాత్రి

రా - అసావెరి,  తా - రూపకము

ఆ యంధకారంపు - రేయిలో క్రీస్తు పడు - నాయాసములు దలఁచరే = సాయంతనము శిష్య - ¹నమితితో భోజనముఁ -  జయఁగూర్చున్న ప్రభువు - భక్తుల కనియె ||నా యంధ||

1.ఒకఁడు మీలో నన్ను - యూద ²గణముల చేత - లకు నప్పగింపఁ దలఁ చెన్ - ³మొక మిచ్చకము గల్గు - మూర్ఖుఁడగు యూదాను - ⁴మొనసె వీడనుచుఁ దెలిపి యికఁ మిమ్ముఁగూడియుం - డకయుందునని రొట్టె విరిచి స్తోత్రంబుజేసి = ప్రకటంబుగా - దీని భక్షించుఁడని పిదప - నొక పాత్ర ⁵నాన నిచ్చెన్ - ద్రాక్షారసం ||బా యంధ||

2.తన మేని గురుతు రొ - ట్టెను జేసి పాపవిమో - చనమైన రక్తమునకు - నొనరంగ ద్రాక్షారస - మును గురుతుగాఁ దెలిపి - నెనరుగల కర్త యపుడు - చనె గెత్సెమను వన - స్థలిలోన శిష్యుల - నునిచి తానొక్కరుండు = మనసు వ్యాకులము చే-తను నిండియుండఁగా - ఘనుడు ప్రార్ధించెఁదండ్రిన్ - గాఢముగాను ||ఆ యంధ||

3.శ్రమచేతఁ దన శరీ - రము నుండి దిగజారెఁ - జెమట రక్తపు బొట్లుగా - ⁵నమితమౌ లోకపా - పముఁ జూచి నిట్టూర్పులప్పటప్పటికిఁ బుచ్చి - క్రమముగా దూత తన కడ ⁶కరుగుదెంచి శాం - తముఁ బల్కి చనిన ⁷పిదపం = తమ మనంబులఁ బోలు - ⁸తమసమున యూద సై - న్యము ⁹లేగుదెంచె నపుడు - గెత్సెమను పనికి ||నా యంధ||

4.పరశాంతి ¹⁰శీల స - ర్వజ్ఞతలు గల ప్రభుం - డెరిఁగి తనకున్న పాట్లు - ¹¹పరిపంధి గణముతోఁ - బలికె మీరిచ్చోట - నరయుచున్నా రెవనిని - నరులు నజరేతు యే - సను వాని ననఁగఁ దా - నెఱిఁగించె నేనేయని = ¹²గురుదీప శిఖల ¹³సో - కు ¹⁴పతంగముల భంగి - ధరణిపైఁ బడిరి వారల్ - ¹⁵దర్పము లణఁగి ||యా యంధ||

5.తన శిష్యులను విడువుఁ - డని ¹⁶రిపులచేఁ దానె పట్టువడియెన్ - ¹⁷కినిపి పేతురు యాజ - కుని దాసు ¹⁸కర్ణంబు - ¹⁹దునుమంగ క్రీస్తుఁడపుడు - కనికరంబున స్వస్థ - తను జేయు నావిభుని - కరములను విరిచి కట్టి = వెనుక ముందరఁ జుట్టు - కొని యెరూషలేము పుర - మునకుఁ దీనుకఁ బోయిరి - రాణువవార||లాయంధ||

                              - పురుషోత్తమ చౌదరి

_________________________________

¹సమూహము. ²సమూహముల. ³ముఖస్తుతి చేయు. ⁴సిద్ధపడెను. ⁵అపరిమితమైన. ⁶వచ్చి. ⁷పిమ్మట. ⁸చీకటిలో. ⁹వచ్చెను. ¹⁰మంచి స్వభావము. ¹¹శత్రువులు. ¹²గొప్పదీప జ్వాలలు. ¹³తగులు. ¹⁴మిడతలవలె. ¹⁵గర్వములు. ¹⁶శత్రువులచేత. ¹⁷కోపించి. ¹⁸చెవి. ¹⁹కోయగా.