Viduvani Bhandhama | విడువని బంధమా

విడువని బంధమా - మరువని స్నేహమా 

మమతానురాగాలే - నీ మకరందమా ! 

చెదరని నీ చిరునవ్వే - చెరిగిపోని జ్ఞాపకాలే 

కృప కనికరములే - నీ సౌందర్యమా ||విడువని||

మమతను పంచిన మహనీయుడా 

మేలుచేయుటలో దయాళుడా 

సమృద్ధి నిచ్చిన శ్రీమంతుడా 

కృపచూపుటలో ఐశ్వర్యుడా ||విడువని||

విడువని బంధము నీవేనయ్య 

మరువని స్నేహము నీవేనయ్య 

చెదరని నవ్వే నీదేనయ్య 

నా చెరగని జ్ఞాపకం నీవే యేసయ్య 

1. నాలోన నీవని - నీతోనే పయనమని - నీవు లేకపోతే నేను లేనని - నీవే నా ప్రాణమని - 

నీతోనే మరణమని - నీవు కాకపోతే నా బ్రతుకే వ్యర్ధమని (2)

వాగ్దానం చేసినవారు - నను విడచి వెళ్ళినారు

నిబంధన చేసి నాతో - నను మరచి పోయినారు 

నను ఎన్నడు విడువని మరువని బంధము నీవయ్య

నాతోడై నిలచి నడిచిన స్నేహము నీవయ్య 

విడువని బంధము నీవేనయ్య - మరువని స్నేహము నీవేనయ్య 

చెదరని నవ్వే నీదేనయ్య - నా చెరగని జ్ఞాపకం నీవే యేసయ్య ||విడువని|| 

2. కన్నీటి లోయలో - కలతచెందె నా ప్రాణం -  కరుణించు వారులేక - కృంగిపోయెనే - 

కష్టాల కౌగిలిలో - కలవరపడే నా హృదయం - ఓదార్చువారి కోసం ఎదురు చూసెనె (2)

నా దుఃఖ దినములలోన - దరికెవ్వరు రానేరాక 

నా ఒంటరి బ్రతుకులోన - తోడెవ్వరు లేనేలేక 

పగిలిన నా గుండెకు నీవు ఔషధమైనావు 

నలిగిన నా మనస్సుకు నీవు నెమ్మదిఅయినావు

కలతలు బాపిన నా యేసయ్య - 

కన్నీరు తుడచిన నా దైవమా 

మేలులతో నింపిన మహోన్నతుడా - 

మహిమలు చేయు మహాఘనుడా ||విడువని||

DOWNLOAD MP3 SONG HERE 👇