Sandehamela Samsayamadela | సందేహమేల సంశయమదేల

సందేహమేల... సంశయమదేల..

ప్రభు యేసు గాయములను పరికించి చూడు - 

గాయాలలో నీ వ్రేలు తాకించి చూడు (2) ||సందేహ||

1. ఆ ముళ్ల మకుటము నీకై ధరియించెనే - 

నీ పాప శిక్షను తానే భరియించెనే (2)

ప్రవహించె రక్తధార నీ కోసమే - 

కడు ఘోర హింసనొందె నీ కోసమే (2) ||సందేహ||

2. ఎందాక యేసుని నీవు ఎరుగనందువు - 

ఎందాక హృదయము బయట నిలవమందువు (2)

యేసయ్య ప్రేమ నీకు లోకువాయెనా - 

యేసయ్య సిలువ సువార్త చులకనాయెనా (2) ||సందేహ||

3. ఈ లోక భోగములను వీడజాలవా - 

సాతాను బంధకమందు సంతసింతువా (2)

యేసయ్య సహనముతోడ చెలగాటమా - 

ఈనాడు రక్షణ దినము గ్రహియించుమా (2) ||సందేహ||

4. లోకాన ఎవ్వరు నీకై మరణించరు - 

నీ శిక్షలను భరియింప సహియించరు (2)

నీ తల్లియైన గాని నిన్ను మరచునే - 

ఆ ప్రేమ మూర్తి నిన్ను మరువజాలునా (2) ||సందే||

DOWNLOAD MP3 SONG HERE 👇