Aadarinchi Aashirvadinche | ఆదరించి ఆశీర్వదించే

ఆదరించి ఆశీర్వదించే - మంచిదేవుడు ఇడుగోనండి 

రండి రండి రండి రండి రండి రారండి 

అనుమానాలు వదిలేయండి - అనుకూల సమయమిదే చేరుకొనండి

1. లోకమందు ఎవరైనా మంచివారికై చూస్తారు 

అర్హతలను గమనించి అవకాశాలు ఇస్తారు 

ఏమీలేని దీనులైనా యేసు ఆశ్రయమిస్తాడు 

యోగ్యతలను లెక్కించడండి - యోగ్యులుగా మార్చేస్తాడండి ||రండి||

2. దేవుళ్ళనువారెవరైనా దుష్టులను శిక్షిస్తారు 

నీతిమంతుల రక్షించ దిగివచ్చామని చెబుతారు 

పాపులైన వారికొరకే యేసు భువికి వచ్చాడు

దోషములను లెక్కించడండి - పావనులుగా చేస్తాడండి ||రండి||

3. కన్నవారు ఎవరైనా మాటవింటే ప్రేమిస్తారు 

లోబడని తమ పిల్లలను భారంగా భావిస్తారు 

దారితప్పిన వారికైనా యేసు స్వాస్థ్యం ఇస్తాడు చేసినతప్పులు లెక్కించడండి - ఇంటిలో చేర్చుకుంటాడండి ||రండి||

DOWNLOAD MP3 SONG HERE 👇