శత్రు భయమా మిత్రుడా రక్షకుండు నీతో ఉండగా
స్తోత్ర గీతాలు పాడవా - యేసే ఉండ నీకు అండగా
1.మరణపు ముల్లును విరచి విజయుడైనాడు
ఎన్నటికీ ఉండకుండా మ్రింగి వేసినాడు
రాకడలో నమ్మినవారిని తిరిగి లేపుతాడు
వెయ్యేండ్లు రాజ్యము చేయ వరములీయువాడు
2.నమ్మిన నీలో నాలో ఆత్మనుంచినాడు
నెమ్మదితో ఇల జీవించ వాక్యమిచ్చినాడు
అపవాదిని కాళ్ళక్రింద అణచి ఉంచినాడు
జయవీరుడు యేసురాజు మనలో ఉన్నాడు
3.వెలలేని తన రక్తములో విమోచించినాడు
ఎవడు నిన్ను అపహరింపను వీలులేదు నేడు
మరణమైన జీవమైన దూతలు ప్రధానులైన
క్రీస్తు ప్రేమనుండి నిన్ను వేరు చేయలేవు
- డా. ఎ.డి. శిఖామణి
No comments:
Post a Comment