Neeve Hrudaya Saaradhi Pragathiki | నీవే హృదయ సారధి ప్రగతికి

నీవే హృదయ సారధి - ప్రగతికి వారధి 

నీ స్నేహమే సౌభాగ్యము - సంక్షేమ సంతకం 

నా పాటకే సౌందర్యము - నీవే యేసయ్యా

1. మదిలో చేదుజ్ఞాపకాల విలయ వేదిక కూల్చి

చిగురాశల దిశగా నను పయనింపజేసినా

నీ మాటలు స్థిరపరచెను విశ్వాస ప్రేమలో

కలనైనా అనుకోని అనురాగ బంధమైతివే 

                                         ||నీవే హృదయ||

2. నీవు లేని జీవితం ప్రళయసాగరమే

దిక్కుతోచని సమయములో నీవేదిక్సూచివై

చుక్కానిగ నడిపించుము ఆత్మీయ యాత్రలో

కనుపాపగ నను కాచిన నామంచి కాపరి

                                        ||నీవే హృదయ||

3. చేరనైతి కోరనైతి స్నేహ సౌధము

చిరుదివ్వెగ దరిచేరి చేర్చావు సన్నిధి

చావైనా బ్రతుకైనా నీకోసమే ప్రభు

చాటింతు నీ ప్రేమను ప్రణుతింతు ప్రేమసాగరా

                                        ||నీవే హృదయ||

DOWNLOAD MP3 SONG HERE 👇