Sudha Madhura Kiranala | సుధా మధుర కిరణాల

సుధామధుర కిరణాల అరుణోదయం

కరుణామయుని శరణు తరుణోదయం

      తెరమరుగు హృదయాలు వెలుగైనవి 

      మరణాల చెరసాల మరుగైనది

                                                    ||సుధామధుర||

1. దివిరాజుగా భువికి దిగినాడని- 

    రవిరాజుగా యిలలో మిగిలాడని(2) 

    నవలోక గమనాలు తెరిచాడని(2)

    పరలోక భవనాలు పిలిచాయని(2)

    ఆరని జీవన జ్యోతిగ వెలిసే తారకటొచ్చింది- 

    పాడిన పాటల పశువులశాలకు ఊయల వేసింది(2)

    ఆ జన్మమే ఒకమర్మము ఆమర్మమే ఆనుబంధము(2)

                                                    ||సుధామధుర||

2. లోకాలలో పాపశోకాలలో- 

    ఏకాకులై బ్రతుకు అవివేకుల(2) 

    క్షమహృదయ సహనాలు సమపాళ్ళుగా(2l

    ప్రేమానురాగాలు స్థిర ఆస్తిగా (2)

    నమ్మినవారిని రమ్మని పిలిచే రక్షకుడా యేసు-

    నిత్యజీవాల జీవ జలాల పెన్నిధి  ఆ ప్రభువు(2)

    నినుగావగా  నిరుపేదగా జన్మించగా యిలపండుగ(2)

                                                    ||సుధామధుర||

3. పాపాత్ముల దరికి పిలిచాడని-

    రోగాత్ములన్ బాగుచేశాడని (2)

    మన పాప రోగంబు - బాపాడని (2)

    తన ప్రాణమున్ అర్పించాడని (2)

    నమ్మిన వారిని రమ్మని పిలిచెను రక్షకుడా యేసు

    సర్వజనాల జీవ జలాల పెన్నిధి ఆ ప్రభువే(2)

    ఆ జన్మమే - అనుబంధమే అనురాగమే - ఆనందమే(2)

                                                    ||సుధామధుర||