319
ఆత్మ వంచన
రా - ధన్యాసి, తా - ఆది
ఎఱిగి యెఱిగి చెడిపోతివి మనసా - యిక నీ దిక్కెవ్వరు చెపుమా = దురితం బిదిసచ్చరితం బిది యని - యెరుక సరకు గొన - కేమియు నీ ||యెఱిగి||
1.ఇది దేవుని దయ యిది క్రీస్తుని ప్రియ - మిది విమలాత్ముని గుణ మనుచు = ఎదలో ననుభవ మెఱిగి మరల దు - ర్మదమున దుష్కృత పదమున బడితివి ||యెఱిగి||
2.సకలము జూచెడు దేవుని కంటికి - జాటుగ జరిగెడి పని యేది = ఇక జెవి గుసగుస లెల్లను దిక్కుల బ్రకటము జేసెడు - ప్రభు వున్నాడని ||యెఱిగి||
3.ఎన్నిమార్లు సిలువను వేయుచు ప్రభు - యేసుని వెతబడ జేసెదవు = తిన్నని మార్గము - తెలిసియుండు నీ - కన్నుల గంతలు - గట్టితి వయ్యో ||యెఱిగి||
4.గద్దించెడు మనస్సాక్షికి గడ - గడ లాడక పోతివి నీవు = హద్దు మీరి దై వాజ్ఞలు ద్రోయుచు - నెద్దులాగు పరు - గెత్తితి వయ్యో ||యెఱిగి||
5.పలువిధ శోధన బాధలలో ఘన - ప్రభు క్రీస్తుడె నీ దిక్కనుకో = తాళుచు బశ్చాత్తాపముపడి యిక - జాలించుము కలు - షపు యత్నంబు ||యెఱిగి||
6.అపరిమిత దయా శాంతులు గల ప్రభు - వనిశము కోపింపడు నీపై = కృపా వాగ్దత్తము - లెపుడు దలచి నీ - యప విత్రత గని - హా యని యేడ్వుము ||యెఱిగి||
- పురుషోత్తము చౌదరి
DOWNLOAD MP3 SONG HERE 👇
No comments:
Post a Comment