348
క్రీస్తునందలి నా యానందము
రా - కళ్యాణి, తా - త్రిపుట
(చాయ: దారుణమగు మరణ)
నా కింత ప్రోత్సాహా - నందంబుల్ గల్గుట - కే కర్త ఘనమైన - హేతువై యుండు = నాకు గల యున్నత కతమ్మే - నాధుఁ డగును నేను మురియు - శ్రీకరంబగు నామ మేది - సిల్వఁబడ్డ యేసు క్రీస్తే ॥నా కింత॥
1.ఎవరు నా భక్తికి - హితమైనట్టి పునాది - యెవరు నా కంఠంబు - నెత్తెన్ పాటలతో = ఎవరు నా పాపముల - భారము నెత్తుకొని దేవునికి నాకును - చివరకున్ స్నేహంబు కలిపిరి - సిల్వఁబడ్డ యేసు క్రీస్తే ॥నా కింత॥
2.నేను నా విధు లెల్ల - నిశ్చయంబుగ నెఱుఁగ - జ్ఞాన మిచ్చుచునుండు జ్ఞాని యెవ్వారు = వాని యెడల నను యధార్థ - పరునిగాఁ గావించి యవినా - చే నెరవేర్పించు నెవరు - సిల్వఁబడ్డ యేసు క్రీస్తే ॥నా కింత॥
3.ఎవరు నా శత్రువు - నెదిరించి గెల్చిరి - యెవరు నా శోకంబు - నెగురం గొట్టిరి = ఎవరు నా హృదయంపు మూర్ఛను - నీడ్చి సేదను దీర్చి మనసు - చివుకు మను గాయంబు మాన్పిరి - సిల్వఁబడ్డ యేసుక్రీస్తే ॥నా కింత॥
4.మరణంబులో నాకుఁ - జిర జీవ మెవ్వారు - మరణంబునకె గొప్ప మరణ మెవ్వారు = విరివిలేని మహిమ సేలు - దరిని నుండఁగ నన్నుఁ జెంతను - స్థిరముగ స్థాపించు నెవరు - సిల్వఁబడ్డ యేసుక్రీస్తే ॥నా కింత॥
5.నన్ను రక్షింప మర ణం బొందియు సమాధి - నెన్నటికిని గెల్చి - యున్న ప్రభునందు = నున్న విశ్వాంసబె నాకు నుత్సవంబును గలుగ జేయును - చెన్నగు నా ప్రభు విఁ కెవ్వరు - సిల్వఁ బడ్డ యేసు క్రీస్తే ॥నా కింత॥
- ముంగమూరి దేవదాసు
DOWNLOAD MP3 SONG HERE 👇
