Thellavaarina vella delivondi | తెల్లవారిన వేళ దెలి వొంది

42

ప్రాతస్తవము

రా – కాంభోజి, తా – కురుఝంప

                   

తెల్లవారిన వేళ - దెలి వొంది మన క్రీస్తు - దివ్య నామముఁ బాడరె - యో ప్రియులార - దివస రక్షణ వేఁడరే = తల్లి రొమ్మున దాఁచు - పిల్ల రీతిని మనలఁ జల్లదనముగ రాతి - రెల్లం గాచిన విభునిఁ || దెల్లవారిన వేళ ||

1.నిద్రపోయిన వేళ - నిఖిలాపదులఁబాపి - నిశ లన్ని గడుపు విభునిన్ = భద్రముగ వినతించి - భయభక్తితో మనము - ముద్రి తాక్షులఁ గేలు - మోడ్చి మ్రొక్కుచును ||దెల్లవారిన||

2.భానుఁ డుదయం బయ్యెఁ - బద్మములు వికసిల్లె - గానమలు జేసెం బక్షుల్ = మానసాబ్జము లలర - మనము కల్వరి మెట్ట - పై నెక్కు నినుఁ డనెడి - ప్రభుఁ జూచి వేడ్కన్ IIదెల్లవారినవేళ ||

3.దిట్టముగ మానసేం - ద్రియ కాయ శోధనలు - పట్టుకొని, యుండు దినమున్ దట్టముగ మన నాల్గు - తట్ల యేసుని కరుణఁ జుట్టుకొని రక్షించు - శుభ మడుగుకొనుచున్ ||దెల్లవారిన వేళ||

4.పాప భారము మనము - ప్రభుని పై నిడి గురుని - పాదముల చెంత నొరగి - కాపు కర్త విశాల - కరము మాటున డాఁగి - యాపదలఁ దొలఁ గించు - మని వేఁడుకొనుచున్ ||దెల్లవారిన వేళ||

                               – పురుషోత్తము చౌదరి