నీతి సూర్యుఁడు
రా – బేహాగ్, తా – ఏక
ఇదిగో నీతి భాస్కరుండు - ఉదయమాయె నతని నీతి హృదయ కమలమునను నిలిచి = మది తమో గుణంబులణపై - సదమల జ్ఞానంబు నొసఁగె ||ఇదిగో||
1.ఎవని జ్ఞానమహిమ విభవ - మెవనినీతి బలప్రకాశ - మెవని మనుజ రూపమాయె = నవవినీత సత్యవర్తి రవినిమించు తేజమూర్తి || ఇదిగో ||
2.నరజనముల నీతియెవడో - ధరణిపతుల దీప్తియెవడో – దురితఋణము దీర్చునెవఁడో = పరమపురుషు డేసుఁడతఁడె - నిరతజీవ మొసగునిపుడె || ఇదిగో ||
3.కలుష మెల్ల బాపదలఁచి - కలువరి గిరివరకు నడచి - యలవికాని ముక్తి గూర్చన్ = సిలువమీద బలియై మరణ - బలమునణఁచి తిరిగిలేచె||ఇదిగో||
4.మదితమం బదెచటికరిగె - యెదను కఠినతనము కరిగె - హృదయరసము లతిశయించి = సాధుగుణముగలిగి యేసు - పాదములను గొలుతు నిపుడె || ఇదిగో॥
5.జనగణముల జీవమతఁడె - ధనఘనముల దాతయతఁడె - యనుభవమున నెఱుఁగుమతని = యనుపమ ప్రేమా మృతంబు - ననవరతా నందకరము || ఇదిగో ||
– చెట్టి భానుమూర్తి
No comments:
Post a Comment