68
ప్రభువైన యేసునకు స్తుతి
రా – ఆనందభైరవి, తా – ఆది
(ఛాయ: యేసువంటి ప్రియబంధుఁడు)
¹ఘన ²భవ దుపకృతు - లను మాటికి నే - వినుతింతును దే - నిజసుత = యొనరఁగ నాపై - ³ననుక్రోశముఁ దగ - ⁴నునుపవే క్రైస్తవ - జన విహిత || ఘన ||
1.ధోరణిగా నా దోసము లెంచకు సారెకు నాశ్రిత జనవరదా = ⁵పారముఁ దప్పిన - పాతకు నగు నే నారడివడ నీ - కది బిరుదా॥ఘన||
2.జలబుద్బుదముతో - సమ మని నాస్థితి - తెలియద నీకది - దేహధరా ఖలమయ మగు నీ - కర్మినిఁ బ్రోవను - సిలువను బొందిన - శ్రేయఃకరా || ఘన||
3.మందమతిని నా యందు నలక్ష్యము నొందకు దేవ ⁶సు - నంద నా = యందముగా నా ⁷డెందము కడుఁ దెలి - వొందఁగ నీ దయ - నందు మా || ఘన ||
- మిక్కిలి నమూయేలు
____________________________
¹గొప్పయైన. ²నీ ఉపకారములను. ³ప్రేమ. ⁴ఉంచుము. ⁵గట్లు లేక మేర. ⁶సుపుత్రుఁడా. ⁷హృదయము .
No comments:
Post a Comment