Bhumandalmu daani sampurnatha | భూమండలము దాని సంపూర్ణత

24

సర్వము దేవుని సొత్తు

(దావీదు కీర్తన 24)

రా – హరికాంభోజి, తా – ఆది

(చాయః సఖులార సంఘంపుబడి)

                

భూమండలము దాని సం - పూర్ణత యును లోకమును = భూమండల వాసులను -  బొల్పార యెహోవావే || భూ ||

1.యెహోవ సంద్రము మీఁద - భూమి పునాది వేసె = మహాజలముల మీఁద - మనదేవుఁడది స్థిరపర్చె || భూ ||

2.యెహోవ పర్వతమునకు - నెక్కంగఁ బాత్రు డెవఁడు = మహాలయంబునందు - మరి నిల్వ యోగ్యుం డెవఁడు || భూ ||

3.అపవిత్ర మనసులేక - కపట ప్రమాణము లేక = సు పవిత్రమౌ చేతులను - శుద్ధాత్మ గల్గినవాఁడే || భూ ||

4.ఆలాటి వాఁడు ప్రభుని - యాశీర్వచనము నొందు = భూలోకమున రక్షణ - దేవుని నీతి మత్వముపొందు || భూ ||

5.ప్రభునాశ్ర యించు నట్టి వారు - యాకోబు దేవ = ప్రభుసన్ని ధానము వెదకు - ప్రజలెల్ల రట్టివారే || భూ ||

6.ద్వారంబు లార యిఁక మీ - తల లెల్లబైకెత్త వలెన్ = రారాజు కొరకుఁతలుపు లారాా -  మిమ్మెత్తుకొనుఁడి || భూ ||

7.ఇలలో మహా మహిమంబు - గలిగిన యీ రాజెవడు = బలశౌర్య ముల యెహోవ - బహుశూరుడౌ యెహోవ || భూ||

- మల్లెల దావీదు