Bethlehemu Puramunandu | బెత్లేహేము పురమునందు

బెత్లేహేము పురమునందు చిత్రమాయెనంట

కర్తయేసు బాలుడుగా జననమాయెనంట

అంధకారమైన.. ఆకస వీధులలో.. ఆనందపు మహిమ చోద్యమేమిటోనంట (2) ||బెత్లేహేము||

1.పరమ పురమే వదలి పావనుండు యేసు - 

నరజాతిని ప్రేమించి ఇలకు దిగెనంట (2)

ఇమ్మానుయేలుగా - నెమ్మది నీయగా (2) - 

కన్నె మరియ గర్బాన పుట్టెనంట చూడరండి ||బెత్లేహేము||

2.గొల్లలేమో వార్త విని - గొర్రెలనే వదలి - 

మెల్లగా అందరికి చాటి చెప్పిరంట (2) 

దావీదు పురములో - లోకరక్షకుడుగా (2) 

యేసయ్య జనియించిన సంబరమే కనరండి ||బెత్లేహేము||

3.సర్వోన్నత స్థలములలో దేవునికి మహిమ-

ఇష్టులైన మనుష్యులకు సమాధానమంట (2) 

రెక్కలు చాచి - చక్కనైన దూతలు (2)

మధురమైన పాటలెన్నో పాడుచుండ వినరండి ||బెత్లేహేము||

DOWNLOAD MP3 SONG HERE 👇