Nee Siluva Shramalu Dhyaninchalani | నీ సిలువ శ్రమలు ధ్యానించాలని

నీ సిలువ శ్రమలు ధ్యానించాలని - 

నీ సముఖములో తరించాలని (2)

మాలిన్యమునకు దూరంగా - నీష్టమైన యాగంగా

జీవితం మలచుకోవాలనే - పవిత్ర సాధన దీక్ష -

ఇది సిలువ దీక్ష - స్వపరీక్ష 

1.మానవపాప పరిహారార్థం భువికేతెంచిన నీవు -

సిలువను మోసి మరణమునొంది నీపని ముగించినావు (2)

నా సిలువను నేనెత్తుకొని - నన్ను నేను తగ్గించుకొని (2)

నీ అడుగులలో నడవాలనే - పవిత్ర సాధన దీక్ష -

ఇది సిలువ దీక్ష - స్వపరీక్ష ||నీ సిలువ||

2.లోక పాపాలగూర్చిన బాధతో రక్తమాయె నీ స్వేదం-

గెత్సెమనెలో మోకాళ్ళ పైన మ్రోగెను ప్రార్థననాదం (2)

నా పాపక్రియలకొరకై నే - పశ్చాత్తాప హృదయముతో(2)

ఆత్మీయ వసంతం పొందాలనే - పవిత్ర సాధన దీక్ష - ఇది సిలువ దీక్ష - స్వపరీక్ష ||నీ సిలువ||

3.పరోపకారమే ఆహారంగా ఇలలో జీవించినావు -

ప్రేమ కలిగియుండుమని బోధించి - మాదిరి చూపించినావు (2)

శత్రువుకై ప్రార్థించిన - అందరికి మేలు చేసిన 

నీ మనసు కలిగియుండాలనే - పవిత్ర సాధన దీక్ష - 

ఇది సిలువ దీక్ష - స్వపరీక్ష ||నీ సిలువ||

DOWNLOAD MP3 SONG HERE 👇