Nee Mukhamu Manoharamu | నీ ముఖము మనోహరము

నీ ముఖము మనోహరము 

నీ స్వరము మాధుర్యము 

నీ పాదాలు అపరంజిమయము 

యేసయ్యా నా ప్రాణ ప్రియుడా 

మనగలనా నిను వీడి క్షణమైనా 

నీవే నా తోడువై.. నీవే నా జీవమై -

నా హృదిలోన నిలచిన జ్ఞాపికవై (2)

అణువణువున నీ కృప నిక్షిప్తమై -

నను ఎన్నడు వీడని అనుబంధమై (2)

                                   ||యేసయ్యా||

నీవే నా శైలమై.. నీవే నా శృంగమై -

నా విజయానికే నీవు భుజబలమై (2)

అనుక్షణమున శత్రువుకు ప్రత్యక్షమై -

నను వెనుదీయనీయక వెన్ను తట్టినావు(2)

                                   ||యేసయ్యా||

నీవే వెలుగువై... నీవే ఆలయమై -

నా నిత్యత్వమునకు ఆద్యంతమై (2)

అమరలోకాన శుద్ధులతో పరిచయమై -

నను మైమరచి నేనేమి చేసెదను (2)

                                   ||యేసయ్యా||