Lechinadura Samadhi Gelichinadura | లేచినాడురా సమాధి గెలిచినాడురా

687

లేచినాడురా సమాధి గెలిచినాడురా (యేసు) (2)

లేచినాడురా - సమాధి గెలిచినాడురా

అప: లేతునని తా జెప్పినట్టు - లేఖనములలో పలికినట్టు ||లేచి||

1.భద్రముగ సమాధిపైని - పెద్దరాతిని యుంచిరి భటులు (2)

ముద్రవేసి రాత్రియంత (2) - నిద్రలేక కావలియున్న 

2.ప్రభువు దూత పరమునుండ - త్వరగా దిగి రాతిని పొర్లించి (2)

భళిర దానిపై కూర్చుండె (2) - భయమునొంద కావలివారు 

3.పొద్దు పొడవక ముందే స్త్రీలు - సిద్ధపరచిన సుగంధములు (2)

శ్రద్ధతోడ తెచ్చి యేసుకు (2)- రుద్దుదామని వచ్చి చూడ 

4.చూడవెళ్లిన స్త్రీలను దూత - చూచి యపుడే వారితోడ

లేడు(2) 

గలలియ ముందుగ పోతున్నాడు(2) - అపుడె లేచినాడని

5.చచ్చిపోయి లేచినాడు - స్వామి భక్తుల కగుపడినాడు (2)

చచ్చినను నను లేపుతాడు (2)- చావు అంటే భయపడరాదు 

6.నేను చేసే పనులనెరుగు - నేను నడిచే మార్గమెరుగు(2)

నేను చేప్పు మాటలెరుగు(2)- నేను బ్రతికే బ్రతుకు నెరుగు 

7.నేను లేచిన యేసునందు - మానక మది నమ్ముకొందు (2) తాను నాలోయుండినందున (2)- దయను జేర్చు మోక్షమందు 

8.పాపభారము లేదు మనకు - మరణ భయము లేదు మనకు (2)

నరక బాధ లేదు మనకు (2) - మరువకండి యేసు ప్రభుని 

9.యేసు నందే రక్షణ భాగ్యం - యేసు నందే నిత్య జీవం (2)

యేసు నందే ఆత్మ శాంతి (2)- యేసు నందే మోక్ష భాగ్యం 

10.పాపులకై వచ్చినాడు - పాపులను కరుణించాడు (2)

పాపులను ప్రేమించానాడు (2)- ప్రాణదానము చేసినాడు

DOWNLOAD MP3 SONG HERE 👇