ఆత్మతో సత్యముతో నీకే ఆరాధన
తండ్రియైన దేవా - కుమారుడైన ప్రభువా-
పరిశుద్దాత్మ దేవా - త్రియేక దేవా ఆరాధన
స్తుతి ఆరాధన (2)
1. సర్వసృష్టికి ఆధారుడా -
సకలజీవుల పోషకుడా (2)
సీయోనులోనుండి దీవించువాడవు
సదాకాలము జీవించువాడవు
సాగిలపడి నే నమస్కరించి సర్వదా
నిను కొనియాడేద - నిన్నే కీర్తించెద (2) ||తండ్రియైన||
2. సార్వత్రిక సంఘస్థాపకుడా -
సర్వలోక రక్షకుడా (2)
సిలువలో నీ రక్తమే నాకై కార్చితివి
శిథిలము కాని నగరమును కట్టితివి
స్తోత్రము చెల్లింతు నీ కీర్తి తలచి
సర్వలోకాన నీ మహిమను - నేను ప్రకటింతు (2) ||తండ్రియైన||
3. సర్వసత్యమునకు ఆధారమై -
పరిశుద్ధ యాజకుల సారధివై (2)
యాజక రాజ్యములో నను చేర్చుటకై
నిత్యయాజకత్వమును ధరింపజేసితివి
మహిమతో పరిచర్య నే చేయుటకై
నూతన కృపలను నేపొందెద - ఆత్మ శక్తితో సాగేద(2) ||తండ్రియైన||
No comments:
Post a Comment