Nee vaakyame nannu brathikinchenu | నీ వాక్యమే నన్ను బ్రతికించెను

నీ వాక్యమే నన్ను బ్రతికించెను - భాధలలో నెమ్మది నిచ్చెను 

కృపా శక్తి దయా సత్య సంపూర్ణుడా - 

వాక్యమైయున్న యేసు వందనమయ్యా(2) ||నీ వాక్యమే||

1.జిగటగల ఊభినుండి లేవనెత్తెను - 

సమతలమగు భూమిపై నన్ను నిలిపెను

నా పాదములకు దీపమాయెను - 

సత్యమైన మార్గములో నడుపుచుండెను (2) ||నీ వాక్యమే||

2.శత్రువులను ఎదుర్కొనే సర్వాంగ కవచమై -

యుద్ధమునకు సిద్ధమనసు నిచ్చుచున్నది

అపవాది వేయుచున్న అగ్ని బాణములను -

ఖడ్గమువలె అడ్డుకొని ఆర్పి వేయుచున్నది (2) ||నీ వాక్యమే||

3.పాలవంటిది జుంటి తేనె వంటిది - 

నా జిహ్వకు మహా మధురమైనది -

మేలిమి బంగారుకంటే మిన్నయైనది -

రత్న రాసులకన్నా కోర తగినది(2) ||నీ వాక్యమే||

DOWNLOAD MP3 SONG HERE 👇