Entha Ghoramayya Nee Siluva | ఎంత ఘోరమయ్య నీ సిలువ త్యాగము

ఎంత ఘోరమయ్య - నీ సిలువ త్యాగము 

ఎంత భారమయ్య - నా పాప దోషము (2)

అణువణువున రక్తసిక్తమై - మాంసపు ముద్దగా మారితివా(2) శ్రమల సిలువను ... మోసితివా (2)

1. పరమతండ్రి చిత్తము నెరవేర్చుట కొరకు - పరము వీడి భువిపై కరుణించినావయ్యా - దేవునివైయుండి ఈ మనుషుల చేత - చిత్రహింస పడినావయ్యా

కోరడాల దెబ్బలు కొట్టి - తలకు ముళ్ళ కిరీటమెట్టీ - 

మోమున ఉమ్మివేసి - అపహసించి నెట్టినారా - 

నా కోసమా - ఈ బలియాగము - ఎవరు చేయగలరు ఇంత త్యాగము 

                                              ||ఎంత||

2. వధకు తేబడిన గొర్రపిల్లవోలె - నిన్ను నీవే అర్పించుకుంటివే - భారమైన ఆ సిలువను కలువరి వరకు - నీ భుజమున పెట్టుకోని మోసితివే -

కాళ్ళచేతులలో మేకులు - నేలపై రక్తధారలు చేదుచిరక త్రాగనిచ్చెను - ప్రక్కలో బల్లెముతో పోడిచెను -

నా కోసమా -ఈ బలియాగము - ఎవరు చేయగలరు ఇంత త్యాగము (2)

                                              ||ఎంత||

3. నా పాప శిక్షను నీవు బరియించి - ఘోరమైన శ్రమను నీవు పొందితివా - మానవుల పాపనికి మరణమె జీతమని - నా కోరకై నీవు మరణించితివా -

మహిమనువీడి వచ్చితివీ - నిత్య మహిమ మాకిచ్చితివీ - మరణపు ముళ్ళు విరిచితివి - నిత్యజీవం మాకిచ్చితివి - 

ఈ పాపి కోసమా - ఈ బలియాగము - ఎవరు చేయగలరు ఇంత త్యాగము (2)

                                             ||ఎంత||