112
రక్షకుని జననము
రా - మాధ్యమావతి, తా - ఆట
రక్షకుండుదయించి నాడట - మన కొరకు బరమ - రక్షకుం డుదయించి నాడట = రక్షకుం డుదయించినాడు - రారె గొల్ల బోయులార - తక్షణమున బోయి మన ని - రీక్షణ ఫలమొందుదము ||రక్షకుండు||
1.దావీదువంశమందు - ధన్యుడు జన్మించినాడు = దేవుడగు యెహోవా మన - దిక్కు దేరి చూచినాడు ||రక్షకుండు||
2.గగనమునుండి డిగ్గి - ఘనుడు గాబ్రియేలు దూత = తగినట్టు చెప్పె వారికి - మిగుల సంతోషవార్త ||రక్షకుండు||
3.వర్తమానము జెప్పి దూత - వైభవమున బోవుచున్నాడు = కర్తను జూచిన వెనుక - కాంతుము విశ్రమంబప్పుడు ||రక్షకుండు||
4.పశువుల తొట్టిలోన - భాసిల్లు వస్త్రములజుట్టి = శిశువును గనుగొందురని - శీఘ్రముగను దూత తెల్పె ॥రక్షకుండు ॥
5.అనుచు గొల్ల లొకరి కొక - రానువాలు జెప్పుకొనుచు = అనుమతించి కడకు క్రీస్తు - నందరికినీ దెల్పినారు ||రక్షకుండు||
- మోచర్ల రాఘవయ్య
DOWNLOAD MP3 SONG HERE 👇
No comments:
Post a Comment