Kalvari giri cheru manasa కల్వరి గిరిజేరు మనసా

202

సిలువ ధ్యానము

రా - సురటి, తా - ఆది 

కల్వరి గిరిజేరు మనసా - సిల్వ సరస ||కల్వరి||

 

1.సిలువపైన జూడు మదేమి - శ్రీ కరుడు ప్రభు యేసు స్వామి = తలను ముండ్ల కిరీటంబదేమి తరచి చూడుమీ ||కల్వరి||

 

2.పరులకుపకారంబు సల్ప - ధరను వెలసిన వరపాదముల = కఱకు మేకులు గొట్టెద రేల - కరుణాలవాల ||కల్వరి||

 

3.కరముపట్టి దరినిజేర్చి- వరములిడి దీవించిన యా = కరుణగల చేతులలో చీల - గుచ్చెద రేల ||కల్వరి||

 

4. ప్రేమ కృప నిర్మలత్వమును - నీమమును గల మోము పైన = పామరులుమి వేసెద రేల - పాటించ రేల ||కల్వరి||

5.ఘోర యాతనలును నీదు - క్రూరమరణము చూడ గుండె = నీరు నీరై పోవదె దేవ - క్రూరునికైనా ||కల్వరి||

 

6.పాపమేమిచేసి యెరుగవు - పావన పరమ దేవుడవు = ఓ పరాత్పర నీకేమి యింత - ఉత్కట బాధ  ||కల్వరి||

 

7.స్వామి మాకై పూటపడను నీ - ప్రేమయే కారణము నిజము = భూమి యది గుర్తింపగ నిమ్ము - పూజ్యుండ దేవ ||కల్వరి||

 

8.పావనాత్మ నీవు జావ - పాపి కబ్బును నిత్యజీవ = మా వచన సత్యంబు దెల్పుము - మానవాళికిన్ ||కల్వరి||

 

9.సిలువ దరి కాకర్షించుము - ఖలుడను ఘోరపాపిని = కలుషములు విడ శక్తి నీయుము - సిలువ ధ్యానమున ||కల్వరి||

- పంతగాని పరదేశి 

DOWNLOAD MP3 SONG HERE 👇