Devara nee deevenalu | దేవర నీ దీవెనలు

564

దైవాశీర్వాదము

రా - శంకరాభరణము,  తా ఆది 

దేవర - నీ - దీవెనలు ధారాళముగను వీరలపై = బాగుగా  వేగమెదిగనిమ్ము - పావన యేసునిద్వారగను ||దేవర||

1.దంపతులు దండిగ నీ - ధాత్రిలో వెలయుచు సంపదలన్  సొంపుగ నింపుగ పెంపగుచు స - హింపున వీరు సుఖించుటకై  ||దేవర||

2.ఈ కవను నీ కరుణన్ - ఆఖరు వరకును లోకములో = శోకము లేకయె యేకముగా - బ్రాకటముగను జేకొనుము ||దేవర||

3.ఇప్పగిది నెప్పుడును - గొప్పగు ప్రేమతో నొప్పుచుదా = మెప్పిన చొప్పున దప్పకను - మెప్పుగ బ్రతుకను బంపు కృపన్ ||దేవర||

4.తాపములు పాపములు - మోపుగ వీరిపై రాకుండగా = గాపుగ బ్రాపుగ దాపునుండి - యాపదలన్నియు బాపుచును ||దేవర||

5.సాధులుగన్ చేయుటకై - శోధనలచే నీవు శోధింపగా = కదలక వదలక ముదమున నీ - పాదము దాపున బాదుకొనన్ ||దేవర||

6.మెండుగ భూమండలపు - గండములలో వీరుండగను = తండ్రిగ దండిగ నండనుండి - వెండియు వానిని ఖండించవే ||దేవర||

7.ఇద్దర వీరిద్దరును - శుద్ధులై నిన్ను సేవించుటకై = శ్రద్ధతో బుద్ధిగ సిద్ధపడన్ - దిద్దుము నీ ప్రియ బిడ్డలుగన్ ||దేవర||

8.వాసిగ నీ దాసులము - చేసిన యీ మొఱల్ దీసికొని = మా సకలేశ్వర నీ సుతుడౌ - యేసుని పేరిట బ్రోవు మామెన్ ||దేవర||

                          - అల్లారి పెద్ద వీరాస్వామి

DOWNLOAD MP3 SONG HERE 👇